Thursday , September 23 2021

Nene nilasing bago hinalay ng ex-lover

REHAS na bakal ang hinihimas ngayon ng isang teenager makaraang lasingin at halayin ang menor de edad na dating nobya sa loob ng kaniyang tahanan sa Novaliches, Quezon City.

Agad aaresto ang suspek na si Anjo Mendoza Horario, 19 anyos, binata, residente sa Masaya St., Brgy. Gulod, Novaliches. Siya ay kinasuhan ng paglabag sa RA 7610 o child abuse.

Sa report ni P/Cpl. Racquel Graneta ng Women and Children Protection Desk ng Quezon City Police District (QCPD) ng Novaliches Police Station 4, dakong 5:00 pm, 17 Hulyo, nang maganap ang insidente sa Sitio Luisito, Brgy. Gulod, Novaliches, QC.

Sa pahayag ng ina ng biktima na kinilalang si Aling Michelle, ang suspek at ang anak niyang itinago sa pangalang Nene, 15-anyos ay dating magkasintahan.

Niyaya umano ni Horario ang mga kaibigan, kasama ang dating kasintahan na mag-inuman sa kanyang bahay.

Makalipas ang ilang oras, nang makitang lasing na si Nene ay niyaya ito ng dating nobyo na matulog muna sa kaniyang silid at doon ay pinagsamantalahan ng suspek.

Nang mawala na ang tama ng alak ay naramdaman ng biktima ang pananakit ng kaniyang kaselanan kaya isinumbong sa kaniyang ina ang ginawang panghahalay sa kaniya ng ex-boyfriend. (ALMAR DANGUILAN)

 

About Hataw Tabloid

Check Also

Doktora sa Abra niratrat patay sa atake sa puso

SUGATAN ang isang doktor, ngunit binawian ng buhay kalaunan nang atakehin sa puso, matapos pagbabarilin …

Leave a Reply

Your email address will not be published. Required fields are marked *