Saturday , July 31 2021
Breaking News
You are here: Home / News / Caloocan inalarma vs CoVid-19 Delta variant

Caloocan inalarma vs CoVid-19 Delta variant

NAGBABALA si Caloocan City Mayor Oscar “Oca” Malapitan kaugnay ng pagpasok ng CoVid-19 Delta variant sa Metro Manila.

“Nagkaroon kami ng meeting kahapon kasama ang Metro Manila Mayors, IATF, at DOH kung saan tinalakay ang Delta variant na sadyang napakamapanganib. Pumasok na ang Delta variant sa NCR, mayroon na sa ibang mga lungsod,” pahayag ni Mayor Oca sa flag-raising ceremony kahapon, Lunes ng umaga.

Kaugnay nito, inatasan ng alkalde ang Caloocan Police na mas maging mahigpit sa pagmo-monitor ng mga pagtitipon sa lungsod ng Caloocan.

“Lahat ng gatherings tingnan at imbestigahan agad, una, kung mayroong permit. Pangalawa, tingnan ‘yung lugar kung safe. Actually, wala nang safe ngayon dahil nariyan lang palagi ang banta ng CoVid-19, kaya kailangang i-monitor lahat ng mga barangay,” diin niya.

Ayon sa punong-lungsod, magpapatawag din siya ng meeting kasama ang mga kapitan ng bawat barangay ngayong araw, nang sa gayon ay masigurong naipatutupad ang IATF guidelines sa kanilang mga nasasakupan.

Samantala, patuloy na pinag-iingat ang lahat at hinihikayat na laging sumunod sa minimum health protocols. (JUN DAVID)

About Hataw Tabloid

Leave a Reply

Your email address will not be published. Required fields are marked *

*

Scroll To Top