Monday , September 20 2021

Duterte ‘no funds’ sa ayuda (May sako-sakong pera sa kampanya)

DESMAYADO si Bagong Alyansang Makabayan (Bayan) secretary-genaral Renato Reyes, Jr., sa pahayag ni Pangulong Rodrigo Duterte na magdadala ng sako-sakong pera para ipamudmod sa kampanya ng mga kandidato ng PDP-Laban.
 
“Sako-sakong pera para sa kampanya pero walang pera para sa ayuda, sa pandemic response, sa health workers, sa mga estudyante ar guro, sa mga jeepeny drivers. Kundi ba kagaguhan ito?” sabi ni Reyes sa kanyang Facebook post.
 
Sa PDP-Laban national assembly noong Sabado, tiniyak ni Pangulong Duterte sa kanyang mga kapartido na magdadala siya ng sako-sakong pera sa kanilang mga lugar sa panahon ng kampanya para sa 2022 elections.
 
“Those running for re-election, ikakampanya ko kayo city por city.] Totoo ‘yan. Kayong mga nagtatakbo, I will — I commit to you. Talagang pupunta ako city por city, province por province, (i)kakampanya ko kayo. Pero — at saka magdala ako ng maraming pera, sako kung mayroon,” aniya.
 
Matatandaan ilang beses idineklara ng Pangulo na walang pera ang gobyerno para bigyan ng ayuda ang mga mamamayang lubos na naapektohan ng CoVid-19 pandemic.
 
Hanggang sa kasalukuyan, hindi pa ibinibigay sa health workers ang kanilang mga benepisyo alinsunod sa Bayanihan 2 Law.
 
Habang ang mga guro ay hindi binayaran ang overtime pay batay sa napagkasunduan ng Departrment of Education (DepEd) at Civil Service Commission (CSC). (ROSE NOVENARIO)

About Rose Novenario

Check Also

Mister pinatay sa harap ng misis sa Pasig Edwin Moreno

Mister pinatay sa harap ng misis sa Pasig (Kaso pinapatutukan ni Eleazar)

SA KABILA ng nagkalat na close circuit television (CCTV) camera sa lungsod ng Pasig, nakuha …

Leave a Reply

Your email address will not be published. Required fields are marked *