Sef at Mikee miss ang hiyawan ng fans

COOL JOE!
ni Joe Barrameda

BAGO sila mapanood sa Pepito Manaloto: Ang Unang Kuwento, makikipag-bonding muna sina Sef Cadayona at Mikee Quintos sa kanilang fans ngayong Biyernes (July 16), 8:00 a.m. sa Kapuso Fans Day on TV hatid ng GMA Regional TV.

Napapanood ang Kapuso Fans Day on TV sa morning shows na umeeere sa local channels ng GMA RTV sa Luzon, Visayas, at Mindanao. Binibigyang pagkakataon ng programa na maka-bonding ng fans ang kanilang favorite Kapuso stars—right from the comfort of their homes.

Suki nang maituturing sina Sef at Mikee sa mga mall show at other Kapuso events sa regions.

“Pinaka-nami-miss ko sa regional mall shows ay ‘yung marinig ’yung crowd na sumabay kumanta with me. ‘Yung feeling na ‘yun is so incomparable,” pagbabahagi ni Mikee na gaganap na young Elsa sa  Pepito Manaloto Ang Unang Kuwento.

Si Sef naman, na siyang magiging young Pepito ay marami na ring pagkakataong naging host sa regional events.

“There are times na ako ‘yung host sa regional shows and happy ako kapag napapatawa ko ‘yung crowd. For me, nakakakuha ako ng lakas ‘pag may napapatawa ako, so thank you,” mensahe ni Sef sa kanyang supporters.

Marami pang stars ang makiki-bonding sa weekly Kapuso Fans Day on TV ng GMA Regional TV, every Friday at 8:00 a.m. na mapapanood via Mornings with GMA Regional TV sa North Central Luzon, GMA Regional TV Live! sa Central and Eastern Visayas, GMA Regional TV Early Edition sa Western Visayas, at At Home with GMA Regional TV sa Mindanao.