Thursday , September 23 2021

Picture nina Coco at Julia trending (Coco-Juls fans naghuhumiyaw)

FACT SHEET
ni Reggee Bonoan

“Hi Reggee, yes may indie movie sila for release next year,” ito ang pagkompirma ng handler ni Julia Montes na si Mac Merla ng Cornerstone Entertainment habang isinusulat namin ang balitang ito.

Nabanggit kasi namin na nakitang nagsu-shoot sina Julia at Coco Martin sa Pola, Mindoro ngayon base na rin sa mga larawang ipinost ng kasalukuyang Mayor doon na si Jennifer Mindanao Cruz o mas kilala bilang si Ina Alegre sa kanyang Facebook page.

Ang caption ay, “With Coco Martin and Julia Montes location familiarization. thanks Direk Brillante Mendoza and Direk Bing shooting sa Pola. I love Pola.”

Bukod pa sa isinulat din ito ng katotong Leo Bukas sa showbiz online bilang kaibigan niya si Mayor Ina.

Anyway, kaya pala nadadalas makitang magkasama sina Coco at Julia simula palang nitong 2021 ay dahil pinaghahandaan na nila ang upcoming movie project nila.

Bale ba naunang kumalat sa social media ang larawang magkakasama sina JM De Guzman, Julia, at Coco with directors Richard Somes and Erik Matti na ipinost ng una sa kanyang Instagram account.

Trending talaga ang larawang ito dahil naghuhumiyaw ang Coco-Juls supporters na finally ay mapapapanood na nilang muling magkasama ang kanilang mga idolo.

Bukod kina Coco at Julia, kasama rin ang baguhang aktres at ang aktor na si Raymart Santiago mula sa direksiyon ni Brillante Mendoza na co-producer ng una mula sa kanyang CCM Films Productions.

Habang isinusulat namin ang balitang ito ay umabot na sa mahigit 3K ang nag-like sa larawan nina Coco at Julia at almost 700 shares na.

Sina Coco at Julia ay huling gumawa ng pelikula noong 2013 , ang A Moment in Time na kinunan sa Europe na idinirehe ni Emmanuel ‘Manny’ Palo.

About Reggee Bonoan

Check Also

Manny Pacquiao, Jinkee Pacquiao

Jinkee suportado ang pagtakbo ni Manny sa pagka-pangulo

FACT SHEETni Reggee Bonoan KAHAPON naman ay ipinost ng wifey ni Senator Manny Pacquiao, si Jinkee Pacquiao sa …

Leave a Reply

Your email address will not be published. Required fields are marked *