Saturday , July 31 2021
Breaking News
You are here: Home / News / P10.4-B SAP ipinabubusisi ni Pacquiao

P10.4-B SAP ipinabubusisi ni Pacquiao

ni ROSE NOVENARIO
 
ILANG araw matapos manawagan si Pangulong Rodrigo Duterte sa publiko na huwag paniwalaan si Senator Emmanuel “Manny” Pacquiao, hiniling ng mambabatas na imbestigahan ng Senado ang P10.4 bilyong pondo ng Special Amelioration Program (SAP) ng administrasyon.
 
Inihain ni Pacquiao kahapon ang Senate Resolution No. 779, na nagsusulong sa pormal na pagsisiyasat ng Senado sa SAP fund lalo ang aniya’y kaduda-dudang paggasta nito.
 
Nakasaad sa resolusyon, ang kontrata ng Department of Social Welfare and Development’s (DSWD) sa Electronic Money Issuer (EMI) at remittance agent Starpay.
 
Ang DSWD ang nangasiwa sa SAP habang ang Starpay ang katuwang sa pamamahagi ng pondo sa mga benepisaryong apektado ng CoVid-19 pandemic.
 
Sinabi ni Pacquiao, batay sa record, sa 1.8 milyong SAP beneficiaries ay umabot lamang sa 500,000 ang nakapag-download ng Starpay application, isang requirement para matanggap at ma-withdraw ng benepisaryo ang ayuda.
 
“This means around 1.3 million projected beneficiaries were unable to download the said e-wallet application and therefore could not have electronically received through Starpay the subsidy amounting to P10.4 billion earmarked for them,” ani Pacquiao.
 
Ngunit batay aniya sa talaan ng DSWD, kompletong nabayaran ng Starpay ang lahat.
 
“However, records from the DSWD show that all of these payouts have already been completed,” dagdag niya.
 
Kombinsido ang senador na may kagyat na pangangailangan para busisiin ang anomalya upang mabisto ang korupsiyon sa DSWD at Starpay na umagaw sa ayuda ng mga mamamayan na lubhang naapektohan ng pandemya.
 
“There is an urgent need to look into this anomaly to untangle the web of corruption involving DSWD and Starpay which has robbed our people of economic resources and denuded the government of its basic capacity to provide a lifeline to the vulnerable segment of the society that has been hit the hardest by the current pandemic.”
 
Nauna rito, ibinunyag din ng senador ang umano’y katiwalian sa Department of Health (DOH) at Department of Energy (DoE).
 
Matatandaan unang isiniwlat ng HATAW noong 25 Agosto 2020, sa P700 milyon ang kikitain ng financial service providers (FSPs) na kinontrata ng administrasyong Duterte para mamahagi ng ikalawang yugtong ng ayudang pinansiyal para sa 14 milyong pamilya sa ilalim ng Special Amelioration Program (SAP).
 
Ang P700 milyon kabuuang matatapyas sa SAP na mapupunta sa FSP ay mula sa P50 kaltas sa bawat P8,000 ayuda sa isang pamilya.

About Rose Novenario

Leave a Reply

Your email address will not be published. Required fields are marked *

*

Scroll To Top