HATAW! D'yaryo ng Bayan hatawtabloid.com
I-FLEX
ni Jun Nardo
ISINALANG si Mikee Quinos sa isang sitcom. Siya ang gaganap na younger version ni Manilyn Reynes sa pagbabalik sa ere ng Pepito Manaloto: Ang Unang Kuwento sa Sabado.
Si Sef Cadayona ang makakakulitan niya na lalabas na young Michael V bilang si Pepito.
Ayon kay Bitoy sa virtual mediacon ng series, gusto nilang ihain sa manonood ang bagong putahe sa pagbabalik ng sitcom. Prequel ang ginawa nila dahil hindi pa alam ng tao ang love story nila ni Mane sa series.
‘Yun nga lang, magsisilbi na lang narrator sa kuwento sina Bitoy at Mane. Ang younger stars na ang mapapanood kasama ang baguhang si Kokoy de Santos at oldies na sina Gladys Reyes, Archie Alemania, at Pokwang.
