Thursday , September 23 2021

PDP-Laban members balik sa isang jeepney (Kapag sinipa si Duterte)

NAGBABALA si Presidential Spokesman Harry Roque na magkakasya sa iisang jeep ang mga miyembro ng PDP-Laban kapag pinatalsik sa partido si Pangulong Rodrigo Duterte sa pagdalo sa assembly na inorganisa ni Energy Secretary Alfonso Cusi sa 17 Hulyo, Sabado.
 
“Uulitin ko po, isang jeepney lang po ang membership ng PDP-Laban bago sumali riyan si Presidente Duterte. Kung aalisin n’yo po si Presidente sa PDP-Laban, balik kayo sa isang jeep,” sabi ni Roque sa Malacañang virtual press briefing kahapon.
 
Matatandaan, sumapi si Duterte sa PDP-Laban noong 2015 para makalahok sa 2016 presidential elections at nang magwagi ay dinagsa ng mga bagong miyembro ang Partido.
 
Kabilang sa mga nagtatag ng PDP-Laban ay sina dating Sen. Aquilino Pimentel, Jr., at dating Vice President Jejomar Binay.
 
Nanawagan kamakalawa si Sen. Aquilino “Koko” Pimentel, sa kanyang mga kapartido na tablahin ang ipinatawag na assembly sa 17 Hulyo ni Cusi.
 
Tinanggal kamakailan si Cusi sa Partido dahil sa paglabag sa mga patakaran bunsod ng pagsuporta sa 2022 presidential bid ni Davao City Mayor Sara Duterte-Carpio.
 
Nakatakdang dumalo si Pangulong Duterte, chairman ng partido, sa assembly bilang pagkilala sa liderato ni Cusi, vice chairman ng PDP-Laban.
 
“If PDP-Laban really wants to ignore the President, so be it. Kung nais nilang umalis ang Presidente riyan, nasa kanila ang desisyon. So we will see what will happen,” ani Roque.
 
Kapag nagpasya umano si Duterte na kumandidato sa pagka-bise-presidente, hindi naman niya kailangan maging kasapi ng PDP-Laban.
 
“‘Pag nagdesisyon ang presidente tumakbong bise presidente kahit anong partido pa, kahit walang partido, tatakbo po ‘yan ,”dagdag niya.
 
“Tingnan na lang po natin kung ano ang magiging desisyon ng karamihan ng PDP-Laban.
 
Matatandaang nagsimula ang bangayan sa PDP-Laban nang isulong ni Cusi ang resolusyon na humihimok kay Pangulong Duterte na maging vice presidential bet ng partido at binigyan siya ng kapangyarihang pumili ng kanyang tandem sa 2022 elections na inalmahan ni Senator Manny Pacquiao, presidente ng partido.
 
Target ni Pacquaio na maging standard bearer ng partido na suportado ng founding members nito. (ROSE NOVENARIO)

About Rose Novenario

Check Also

Doktora sa Abra niratrat patay sa atake sa puso

SUGATAN ang isang doktor, ngunit binawian ng buhay kalaunan nang atakehin sa puso, matapos pagbabarilin …

Leave a Reply

Your email address will not be published. Required fields are marked *