Friday , March 29 2024
dead gun

2 bodyguards ng negosyante todas sa duwelo (Nagkainitan, nagkabarilan)

TUMIMBUWANG kapwa ang dalawang bodyguard ng isang negosyante nang magduwelo sa gitna ng isang ‘team building activity’ sa loob ng isang resort sa Brgy. 4, lungsod ng Sipalay, lalawigan ng Negros Occidental, nitong Sabado, 10 Hulyo.

Kinilala ni P/Maj. James Latayon, hepe ng Sipalay City police, ang mga nagpatayan na sina Fernando Silanga, 46 anyos, ng lungsod ng Taguig; at Gary Labrador, 46 anyos, ng lungsod ng Bago, sa nabanggit na lalawigan.

Ayon kay P/Maj. Latayon, nagkaroon ng mainitang pagtatalo sina Silanga at Labrador sa gitna ng kanilang team building sa isang resort sa nabanggit na lungsod.

Nabatid na tinangkang awatin ng kanilang mga kasamahan ang dalawa ngunit dahil parehong nakainom ng alak ay lalong uminit ang mga ulo at pinaputukan ng baril ni Labrador si Silanga na gumanti din ng putok.

Kapwa tinamaan sa iba’t ibang bahagi ng kanilang mga katawan ang dalawa na naging sanhi ng kanilang kamatayan.

Agad binawian ng buhay si Labrador habang idineklarang dead on arrival sa pagamutan si Silanga.

Narekober ng pulisya mula sa pinangyarihan ng insidente ang mga basyo ng bala ng mga kalibre .45 at 9mm baril, ngunit hindi natagpuan ang mga baril na ginamit ng dalawa.

Samantala, naharang ng mga awtoridad ang isang van na nagsasakay ng mga kasamahan ng dalawa sa Cauayan, Negros Occidental.

Ani Latayon, inimbitahan nila ang mga sakay ng van sa kanilang himpilan para sa imbestigasyon ngunit itinanggi nilang may partisipasyon sila sa krimen.

Patuloy na nagsisiyasat ang pulisya upang matukoy kung may alitan at samaan ng loob sa isa’t isa ang dalawang nasawing bodyguard.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *