Friday , March 29 2024
Bea Alonzo Dominic Roque

Bea karay-karay si Dominic sa US

HATAWAN
ni Ed de Leon

NASA US na si Bea Alonzo. Nakita na siya at nakunan pa ng picture sa airport ng Los Angeles na kasama si Dominic Roque. Alam naman iyon ng GMA dahil sinabi naman niyang gusto muna niyang magbakasyon bago tuluyang sumabak sa trabaho. Parang hindi pa sapat ang isang taong wala naman siyang ginawa simula noong masara ang ABS-CBN.

Pero iba nga naman ang bakasyon sa abroad, iyong talagang pahinga ka at wala kang iniisip na kahit na ano. Maaaring isang taon nga siyang nakabakasyon simula noong masara ang ABS-CBN, tinapos nang maaga ang kanyang kontrata sa network dahil wala na nga iyong franchise at nawalan ng kakayahang matugunan pa ang kasunduan nila sa ilalim ng kontrata. Hindi ka rin talaga matatahimik dahil sa feeling of uncertainty, hindi mo alam kung ano ang mangyayari sa kinabukasan mo. Hindi mo alam kung paano madudugtungan ang iyong career.

Mabuti naman nakalipat siya ulit sa ibang manager nang umalis na rin ang dati niyang mga manager na sina Mr. M (Johnny Manahan) at Mariole Alberto, at ngayon may iba nang manager na magagabayan na rin siya ng mga iyon dahil hindi pa man opisyal na sinasabi, nakatalon na rin yata ang dalawa sa GMA.

Definite ang project. May gagawin siyang isang pelikula na kasama si Alden Richards, na matagal na rin namang plano. Kailangan iyon ni Bea dahil siya ang sinasabing “movie queen” na halos dalawang taon nang walang pelikula at iyong huling ginawa niya ay “special participation” lamang siya. Hindi pa siya ang bida.

Kailangan din naman iyon ni Alden para makabawi kung tumagilid man ang serye niya ngayon.

Tapos may sisimulan na raw siyang isang serye na ang leading man naman ay si John Lloyd Cruz. Gagawa na siya ng serye, ibig sabihin kumbinsido na siya sa isang lock in taping.

Kung sakali ngang matuloy iyan, tiyak na pagbabalik ni Bea halos wala na siyang pahinga. Alam naman ninyo ang mga serye ngayon, halos dalawang linggong walang uwian at dahil dagdag na gastos nga pati ang mga hotel na tinutuluyan ng mga artista, talagang paspasan ang kanilang trabaho.

Sa panahon namang dapat siyang magpahinga, tiyak na isisingit naman ang schedule ng kanyang gagawing pelikula. Sana magawang lahat iyan ni Bea.

 

 

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *