Monday , September 20 2021

Angela Alarcon lumaking rebelde

Rated R
ni Rommel Gonzales

DISIOTSO-anyos lamang si Leila na isang Papa’s girl. Kaya naman nang makulong ang ama at nag-asawa ng iba ang ina ay hindi niya ito matanggap.

Lumaking rebelde si Leila at maagang nakipagrelasyon, ngunit iniwan din siya ng kanyang kasintahan at ipinagpalit sa ibang babae.

At sa panahon ng kanyang kalungkutan, nakilala niya si Dan, 50, na hiwalay sa asawa at may dalawang anak. Sa kabila ng malaking agwat ng kanilang edad ay umibig si Leila kay Dan.

At dahil nabuntis siya ni Dan, nagsama na sila sa iisang bubong. Hindi niya inasahan na haharap siya sa isang komplikadong buhay bilang madrasta ng mga anak ni Dan na mas matatanda pa sa kanya.

Hanggang kailan at hanggang saan kakayanin ni Leila ang pagsubok ng bagong buhay na pinasok niya? Hanggang kailan niya ipaglalaban ang  sarili para mahalin ng mga anak ni Dan? Hanggang saan siya dadalhin ng pag-ibig ni Dan sa kanya?

Ngayong Sabado ng gabi, June 26, panoorin ang episode ng Magpakailanman sa GMA na pinamagatang Batang Madrasta. Pinagbibidahan ito nina Angela Alarcon at Gardo Versoza. Tampok din sina Prince Clemente, Erin Ocampo and Jenine Desiderio. Ito ay idinirehe ni Rechie Del Carmen, sa pananaliksik ni Stanley Pabilona at sa panulat ni Benson Logronio.

About Rommel Gonzales

Check Also

Blind Item Corner

Panloloko ni actor nabisto ni showbiz gay

ANG akala ng male starlet ay totoong baliw na baliw na sa kanya ang showbiz gay. Ang balak lang …

Leave a Reply

Your email address will not be published. Required fields are marked *