Monday , July 26 2021
Breaking News
You are here: Home / Showbiz / Manay Lolit inilaglag si Aiko
Manay Lolit inilaglag si Aiko

Manay Lolit inilaglag si Aiko

FACT SHEET
ni Reggee Bonoan


NAGPAKATOTOO
ang talent manager na si Manay Lolit Solis na ang boto niya para sa darating na eleksiyon ay para kay Konsehal PM Vargas, kakandidatong kongresman sa Distrito 5 ng Quezon City. Si Konsehal PM ay kapatid ni Alfred Vargas, kasalukuyang kongresista at siya ang showbiz manager nito.

Kaya nasabi ito ni Manay Lolit ay dahil kakandidato rin ang aktres na si Aiko Melendez sa parehong distrito at makakatunggali niya si Konsehal PM.

Ang buong post ni Manay Lolit, ”Bongga pala ang maglalaban sa distrito ko sa QC Salve. District 5 pala ang tatakbuhan nila PM Vargas at Aiko Melendez. WOW!

“Pareho kong kilala, pareho din malapit sa puso ko. Palagay ko sinuman manalo sa kanilang dalawa, gaganda lalo ang District 5, lalo pa at si Mayor Joy Belmonte ang mananalong Mayor.

“Pero matagal na akong committed kay Alfred Vargas na susuporta sa kanyang kapatid na si PM pag tumakbo sa mas mataas na posisyon. Pareho kong mahal sila Aiko at PM pero nauna na ang promise ko kay Alfred so sinuman manalo sa kanilang dalawa buong puso kong tatanggapin dahil alam ko na ang paglilingkod ang nasa puso nila.

“Hindi talaga maiiwasan ang paghaharap na ganito sa pulitika, magkaibigan na magiging magkalaban, pero pagtapos ng eleksiyon, friends uli silang lahat. Best effort talaga ang ibibigay nila sa District 5 dahil maraming nagawa si cong Alfred Vargas dito kaya dapat higitan ng sinuman papalit sa kanya ang nagawa niyang trabaho. Sinuman manalo kila PM at Aiko, sana lalo pang gumanda ang distrito namin na talaga naman ang husay ng pagkuha ng basura, ang bilis ng pag aayos ng mga kalye, at talagang bawat barangay matindi ang panawagan sa bakuna. Goodluck kay Aiko Melendez.

“Pero ang boto ko nabigay ko na kay PM Vargas. Sinuman manalo sa inyo g dalawa, for the good of QC, at siyempre para sa Mayor ko na si Joy Belmonte. Uwian na, may mga winner na. Joke joke joke. #classiclolita #takeitperminutemeganun #74naako.”

Nagkomento naman si Aiko sa post na ito ni Manay Lolit, ”maraming salamat po Nay Lolit, naiintindihan ko po kayo and hindi kop o nakikita na kalaban si Coun PM dahil alam kop o mahusay  din niyang gagawin ang kanyang best sa pagserbisyo po.  Pareho lang ang common goal namen ni Konsi po, magserbisyo sa tao at kung sino man ang papalarin po sa amin alam kop o di magkukulang sa pagtulong po sa dist 5. God bless you ‘nay Lolit.”

About Reggee Bonoan

Leave a Reply

Your email address will not be published. Required fields are marked *

*

Scroll To Top