Thursday , July 29 2021
Breaking News
You are here: Home / Showbiz / James kawawa naman… nagtatanim na ng kamote
James kawawa naman… nagtatanim na ng kamote

James kawawa naman… nagtatanim na ng kamote

HATAWAN
ni Ed de Leon

PARANG naawa naman kami kay James Reid nang mabalitang naglabas daw siya ng bagong recording ng kanyang kanta. Ipinost lang niya iyon sa social media at mukhang ni walang nag-share niyon. Talaga kasing sariling kayod na lang siya ngayon at aminin na natin na wala naman siyang kakayahan sa promo. Iyong mga kasama naman niyang artists, mga hindi rin kilala at umaasang sumikat dahil nasabit sa kanya. Pero ano nga ang mangyayari kung ganyan?

Noon mas napansin ang ginawa niyang album, dahil todo hype naman ang ginawa roon at panahon iyon ng kasikatan niya. Pero hindi pa rin masasabing naging hit iyon dahil experimental music nga na hindi rin naman nagustuhan ng fans. Noong bumaba na ang popularidad niya bilang artista, ewan nga ba kung bakit naisip niyang mas sisikat siya bilang singer. Ang masama pa, kung kailan bagsak ang music industry dahil sa hindi na mapigil na piracy at saka siya nagtayo pa ng sariling recording company.

Iyong mga datihang recording company nahihirapan sa benta, eh siya pa na hindi naman kabisado ang market ng music sa bansa?

Kawawa naman si James. Ewan kung ano pa ang mababalitaan natin pagkatapos niyan. Bago iyan, ang nabalitaan lang natin ay nagtatanim siya ng kamote at iba pang gulay bilang ambassador ng Department of Agriculture, na natigil din naman dahil sa dami ng problema sa kakulangan ng pagkain at patuloy na pagtaas ng presyo ng mga pagkain na mukhang wala naman silang magawang solusyon.

Sa aminin man o hindi, talaga sigurong nagkamali ng diskarte si James sa pagpapatakbo ng kanyang career. Kailanman, walang naging artistang sumikat man nang todo na hindi lulubog kung magkamali ng diskarte sa takbo ng career niya, at ganyan nga ang nangyari kay James.

Parang naniwala siya na napakatibay na ng kanyang popularidad at kaya na niyang mag-isa, na kahit na ano ang gawin niya sikat na siya. Hindi niya inisip kung hanggang saan sa naabot niya ang bunga lang ng hype. Kaya ngayon, walang nangyayari. Kawawa naman. May hitsura pa naman. Hindi namin sinabing may talent. Ang sinabi lang namin pogi pa naman.

About Ed de Leon

Leave a Reply

Your email address will not be published. Required fields are marked *

*

Scroll To Top