Thursday , March 28 2024

Face shield, mandatory pa rin – Duterte (Final answer)  

TINULDUKAN ni Pangulong Rodrigo Duterte ang ilang araw na pagkalito ng sambayanan sa paiba-ibang pahayag kaugnay sa pagsusuot ng face shield.

Inihayag ni Pangulong Duterte sa kanyang Talk to the People, nanatiling mandatory ang pagsusuot ng face shield pareho sa indoors at outdoors matapos mapaulat na may dagdag na apat na kaso ng mapanganib na Delta CoVid-19 variant.

Ang Delta CoVid-19 variant ang pinakamapanganib at 60% na mas mabilis makahawa kaysa ibang variant.

Sa report ng Department of Health (DOH), umabot sa 17 kaso ng Delta CoVid-19 variant, na unang namonitor sa India.

Ngunit sa mismong televised meeting ng Pangulo sa ilang miyembro ng gabinete sa Malacañang kagabi, siya mismo at ilan sa kanila’y walang suot na face shield, tulad nina Health Secretary Francisco Duque III, vaccine czar Carlito Galvez, Jr., Interior Secretary Eduardo Año at Senate committee on health chairman, Sen. Christopher “Bong” Go.

Matatandaan, noong nakaraang linggo ay sinabi ni Pangulong Duterte kay Senate President Tito Sotto na payag siyang limitahan ang pagsusuot ng face shield sa mga ospital.

Ngunit umapela ang IATF na irekonsidera ng Pangulo ang desisyon para sa enclosed at indoor spaces at iba pang public places. (ROSE NOVENARIO)

 

About Rose Novenario

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *