Monday , July 26 2021
Breaking News
You are here: Home / Showbiz / Direktor ni Juday may panawagan
Direktor ni Juday may panawagan

Direktor ni Juday may panawagan

HARD TALK!
ni Pilar Mateo

SA isang dako ng Palawan na nananahan ang direktor na si Dante “Ga” Garcia.

Sa kanyang kaarawan, ibinahagi nito ang mga pagbabagong dinaraanan niya sa buhay.

“Ang highlight ng 48th birthday ko… Nakantahan ako online ng Agutaynen birthday song for the first time sa buhay ko! 

“Back Story: 

“Bahagi ng Cuyo Island Group ang Municipyo ng Agutaya… Pero may sarili ding lenguahe doon. Agutaynen.  Ibang iba sa Cuyonon. 

“Noong namatay si Tatay,  Agutaynen ang isa sa mga pastor na nag service. 

“After malibing si Tatay, humiling si Pastor ng meeting with me.  Ang agenda ng meeting: “How possible is an Agutaynen movie?” 

“Para akong sinilihan sa tenga sa idea…  Biglang nag flashback ang summer ng 1979. 

“Right after ng graduation sa Kindergarten sa Saint Joseph Academy…Dinala ako nila Tatay sa Algeciras. At sa iba pang isla ng Agutaya. At pinatira doon ng isang buwan. 

“So, mabalik tayo kay Pastor… In 3 days, naipadala ko sa kanya ang Project Proposal. Inaayos niya na makapag present ako sa Council ng Agutaynen noong March. 

“Isa ang hiniling ko sa kanila, dapat sa ThePalawan app ang release ng pelikula para mapanood ng mga nasa isla ang pelikula kasabay ng lahat.

“Kaya after mag live ang app on both Apple and Google, nag request na uli ako ng meeting to explain how the app will work for the project. 

“First Sunday sila nagme-meeting.  Saktong birthday ko, nag present ako. Malugod namang tinanggap ng lahat ang panukala ko. 

“So, mukhang ang A’oi The Movie ang unang gagalaw na #PalawanMadeFreeMovie ng app. 

“Bakit ko kinukwento na? Kasi magaganap ang pelikulang ito kung ida-download niyo ang app at magsa sign-up kayo as user. 

“Kailangan may 100,000 users ang app. Para makakuha kami ng sapat na sponsorship deal pang gawa ng pelikula. 

“Ito ang paraan para matutulungan niyo ako na magawa sa Wikang Agutaynen ang sinubukan kong gawin para sa Wikang Cuyonon sa Ploning. 

“Marine products na inaangkat ni Tatay sa mga isla at ibinabyahe ni Nanay sa Maynila ang bumuhay sa pamilya namin noong bata pa ako.  Halos lahat ng isla sa Agutaya nakaambag doon. 

“Payback film ko ito sa Agutaya.  Samahan niyo ako… #ThePalawanConcierge #48YearsNaGa

Suportahan natin si ‘Ga! Oo, maaalala niyo siya sa Ploning ni Judy Ann Santos. Siya ang nagdirehe niyon. Pero malalim na ang karanasan niya sa industriya sa rami na ng trabahong pinangko niya.

About Pilar Mateo

Leave a Reply

Your email address will not be published. Required fields are marked *

*

Scroll To Top