Thursday , August 5 2021
Breaking News
You are here: Home / News / Grade 7, ginahasa ng ‘tiyuhing’ manyakis
Grade 7, ginahasa ng ‘tiyuhing’ manyakis

Grade 7, ginahasa ng ‘tiyuhing’ manyakis

REHAS na bakal ang kinasadlakan ng isang 21-anyos lalaki makaraang halayin ang Grade 7 pamangkin ng kanyang kinakasama sa Valenzuela City.

Kasong panggagahasa ang isinampa ng mga tauhan ng Valenzuela City Police nitong Sabado ng hapon laban kay Raymond Rindado, alyas Emon, residente sa A. Tongco St., Brgy. Malinta matapos ireklamo ng kanyang 30-anyos live-in partner sa ginawang pagmomolestiya sa 12-anyos niyang pamangkin na itinago sa pangalang Jane.

Sa pagsisiyasat ng mga tauhan ng Valenzuela Police Women and Children’s Protection Desk (WCPD) noong hatinggabi ng Miyerkoles, 16 Hunyo 2021, ginapang umano ng suspek at puwersahang hinalay ang biktima habang mahimbing na natutulog sa loob ng silid ng kanyang tiyahin sa Kamagong St., Fortune 6, Brgy. Parada sa naturang lungsod.

Matapos ang panghahalay, pinagbantaan umano ng suspek ang biktima na huwag magsusumbong kahit kanino kung nais pa niyang mabuhay ngunit nitong Biyernes, naglakas-loob na ang biktima na sabihin sa kanyang tiyahin ang kahalayang ginawa sa kanya ni Rindado.

Dahil dito, agad humingi ng tulong ang tiyahin ng biktima kay P/SMSgt. Roberto Santillan ng Station Intelligence Section na nagresulta sa pagkakadakip sa suspek matapos makipagtipan sa kanyang kalive-in sa harap ng simbahan ng Karuhatan pasado 9:00 pm, kamakalawa.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top