Saturday , September 18 2021

80-anyos biyudo nagpatiwakal sa loob ng bahay (Sa araw ng mga tatay)

PATAY at may tama ng bala ng baril sa kanyang leeg nang matagpuan ang isang 80-anyos biyudo na hinihinalang kinitil ang sariling buhay sa loob ng kanyang bahay sa Brgy. Mungo, bayan ng Tuao, lalawigan ng Cagayan, nitong Linggo, 20 Hunyo, mismong Araw ng mga Ama.

Kinilala ni P/SSgt. Wilson Pascua, imbestigador sa kaso, ang biktimang si Trinidad Serrano, 80 anyos, isang biyudo.

Natagpuan umano ng anak ni Serrano na si Marwin ang wala nang buhay na katawan ng ama katabi ang isang baril.

Iniulat ng pamilya ng biyudo sa pulisya na noong Sabado ng gabi, 19 Hunyo, sinabi ni Serrano na pagod na siyang mabuhay dahil sa kanyang karamdaman, at ayaw umano niyang suutin ang kanyang oxygen mask.

Dakong 5:00 am nang sumunod na araw, inakala umano ni Marwin na gising na ang ama dahil bukas na ang mga bintana at mga pinto ng kanilang bahay na araw-araw niyang ginagawa.

Hindi kalaunan ay nakarinig si Marwin ng putok ng baril mula sa silid ng kanyang ama at nakita na lamang niyang nakahandusay si Serrano at may tama ng bala sa leeg katabi ang isang baril.

Narekober ng pulisya ang isang pinaputok na cartridge case ng kalibre .45 at isang depormadong slug.

Ani Pascua, kOmbinsido ang pamilya ng biktima na nagpatiwakal ang biktima.

About hataw tabloid

Check Also

Michael Yang, Pharmally, DOH, PS-DBM,

‘Taya’ ni Yang sa Pharmally ‘pitik’ sa P42-B pandemic funds ng DOH

AALAMIN ng mga senador kung ang P7-B ipinautang umano ni dating presidential economic adviser Michael …

Leave a Reply

Your email address will not be published. Required fields are marked *