Thursday , September 23 2021

Tina at Sheryl nasira ang friendship

Rated R
ni Rommel Gonzales

TUNGHAYAN
ang kakaibang kuwento ng isang aswang na nagpapanggap na albularyo para sa kanyang kaibigan sa episode ng drama anthology na Magpakailanman na pinamagatang Kaibigan sa Umaga, Aswang sa Gabi sa Sabado, June 19.
Dahil nangangamba sa kaligtasan ng kanyang pamilya matapos ang pag-atake ng isang aswang, humingi ng tulong si Arlyn (Tina Paner) sa albularyong si Glorie (Sheryl Cruz). Hindi nagtagal, naging malapit sila sa isa’t isa.
Hanggang isang araw ay nabalitaan ni Arlyn ang kagustuhan ng mga tao sa kanilang barangay na palayasin si Glorie. Pinatay daw kasi ni Glorie ang ipinagbubuntis ng kinakasama ng ex-boyfriend niya. Matapos magpaliwanag ni Glorie na hindi siya kagaya ng ibang aswang ay pinatawad din ni Arlyn ang kaibigan.
Sa pag-uwi ng asawa ni Arlyn ay pinagbawalan na nitong magkita pa ang dalawa. Kasabay nito ay nalaman din ni Glorie na niloko siya ulit ng kanyang kinakasama.
Matapos mawalan ng kaibigan at minamahal, magbabalik-loob na nga ba sa kadiliman si Glorie?
Abangan ang naiibang kuwento ng pagkakaibigan nina Glorie at Arlyn sa fresh episode ng Magpakailanman sa Sabado, 8:00 p.m., sa GMA-7.

About Rommel Gonzales

Check Also

Manny Pacquiao, Jinkee Pacquiao

Jinkee suportado ang pagtakbo ni Manny sa pagka-pangulo

FACT SHEETni Reggee Bonoan KAHAPON naman ay ipinost ng wifey ni Senator Manny Pacquiao, si Jinkee Pacquiao sa …

Leave a Reply

Your email address will not be published. Required fields are marked *