Tuesday , March 19 2024
arrest prison

Shabu itinaya sa cara y cruz 2 kelot timbog

SWAK sa kulungan ang dalawang lalaking hinihinalang sangkot sa ilegal na droga matapos maaresto ng pulisya habang naglalaro ng cara y cruz, na ang itinataya umano’y shabu sa Malabon City, kahapon, Huwebes, ng madaling araw.
 
Kinilala ni Malabon city police chief, Col. Albert Barot ang mga naarestong suspek na sina Rommel Cabading, 39 anyos, construction worker; at Franz Gelloagan, 31 anyos, isang garbage trader, kapwa residente sa Brgy. Longos.
 
Batay sa imbestigasyon ni P/MSgt. Randy Billedo, dakong 3:40 am nang respondehan ng mga operatiba ng Malabon Police Station Intelligence Section sa pangunguna ni P/SSgt. Mitchum Caoy ang natanggap na ulat hinggil sa isang grupo na naglalaro ng cara y cruz sa kahabaan ng Hiwas St., Brgy. Longos.
 
Gayonman, nang mapansin ng mga nagsusugal ang pagdating ng pulisya, mabilis na nagpulasan sa magkakahiwalay na direksiyon.
 
Nagawang maaresto ng mga operatiba ang dalawa sa kanila na sina Cabading at Gelloagan.
Nakompiska sa mga suspek ang tatlong pirasong peso coin na gamit bilang pangkara, P600 bet money, at limang transparent plastic sachets na naglalaman ng tinatayang 7 gramo ng hinihinalang shabu, may standard drug price na P47,600.
 
Nahaharap ang mga suspek sa kasong paglabag sa Section 11 Article II of RA 9165 at PD 1602. (ROMMEL SALES)
 
 

About Rommel Sales

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *