Thursday , September 23 2021

Puganteng rapist tiklo sa Tarlac (Top 3 MWP sa Calabarzon)

HINDI akalain ng isang puganteng may kasong rape, sa limang taong pagtatago sa batas ay matutunton at maaaresto sa manhunt operation ng mga kagawad ng San Manuel MPS, Tarlac PPO, Rosario MPS, RIU4A PIT Batangas, 40th AMC RMFB4, RID4A PIU Batangas, nitong Martes, 15 Hunyo, sa kanyang pinagtataguang lugar sa Brgy. San Vicente, sa bayan ng San Manuel, lalawigan ng Tarlac.
 
Kinilala ni PRO3 Director P/BGen. Valeriano De Leon ang suspek, ayon sa report ni P/Col. Renante Cabico, provincial director ng Tarlac PPO, ang suspek na si Abundio Ilag, top 3 sa listahan ng mga most wanted ng Calabarzon, residente sa Brgy. Matamis, bayan ng Rosario, sa lalawigan ng Batangas.
 
Nadakip ang suspek base sa alias warrant na nilagdaan ni Presiding Judge Rose Marie Manalang Austria, ng Rosario RTC Branch 87, may petsang 12 Nobyembre 2015 sa kasong Rape at walang piyansang inirekomenda sa pansamantalang paglaya ng suspek.
 
“Anchored on the Intensified Cleanliness Program (ICP) of the Chief PNP, P/Gen. Guillermo Eleazar relative in cleansing our community, all police units are working together to account and arrest all persons sought by law to offer a safer and peaceful streets for the general public,” pahayag ni P/BGen. De Leon. (RAUL SUSCANO)

About Raul Suscano

Check Also

Doktora sa Abra niratrat patay sa atake sa puso

SUGATAN ang isang doktor, ngunit binawian ng buhay kalaunan nang atakehin sa puso, matapos pagbabarilin …

Leave a Reply

Your email address will not be published. Required fields are marked *