Thursday , September 23 2021

7 Chinese nationals arestado (Sa paglabag sa health protocols)

DAHIL SA PAGLABAG sa health protocols gaya ng social distancing at vaping, pitong Chinese nationals ang dinakip nang maispatan ng mga pulis na magkakalapit kaya sinita sila hanggang nakuhaan ng hinihinalang shabu sa Pasay City kahapon ng umaga.
 
Nasa kustodiya ng pulisya ang mga Chinese nationals na sina Deng Hongsheng, 24; Kai Liu, 23; Li Mingfa, 29; Li Xuan, 25; Li Donghui, 27; Huang Chun-We, 31, at Ruan Gouhui, 27, pawang residente sa Azure Urban Resort Residence, Parañaque City.
 
Sa report ng Pasay city police, naganap ang insidente dakong 9:00 am sa Hobbies of Asia, Diosdado Macapagal Blvd., Barangay 76, Zone 10, Pasay City.
 
Nagsasagawa ng inspeksiyon ang mga awtoridad para sa safety at security measure kontra CoVid-19, namataan nila ang mga suspek na magkakalapit na naglalakad at naninigarilyo sa pamamagitan ng vaping.
 
Sinita ng mga awtoridad ang mga dayuhan dahil sa paglabag sa health protocol.
 
Nang kapkapan ang mga suspek, nakuhaan ng 0.7 gramo ng hinihinalang shabu, na P4,760 ang halaga.
 
Nahaharap ang mga suspek sa paglabag sa Sec. 11 and 13 of RA 9165 (Comprehensive Dangerous Drugs Act of 2002). (JAJA GARCIA)
 
 
 
 
 
 

About Jaja Garcia

Check Also

Doktora sa Abra niratrat patay sa atake sa puso

SUGATAN ang isang doktor, ngunit binawian ng buhay kalaunan nang atakehin sa puso, matapos pagbabarilin …

Leave a Reply

Your email address will not be published. Required fields are marked *