Monday , July 26 2021
Breaking News
You are here: Home / News / 3 notoryus na tulak nalambat sa drug bust sa Pampanga
3 notoryus na tulak nalambat sa drug bust sa Pampanga

3 notoryus na tulak nalambat sa drug bust sa Pampanga

HUMAHAGULGOL habang nagmamakaawa na babaan ang isasampang kaso sa kanila ng nakatransaksiyong mga awtoridad matapos maaresto at ipresinta ang nakompiskang 15 gramo ng hinihinalang shabu sa
on-site inventory, resulta ng anti-narcotics operation ng San Fernando City Police SDEU nitong Martes, 15 Hunyo, sa bisinidad ng Sogo Hotel, sa lungsod ng San Fernando, lalawigan ng Pampanga.
 
Kinilala ni PRO3 Director P/BGen. Valeriano De Leon ang mga suspek, batay sa ulat ni P/Col. Arnold Thomas Ibay, provincial director ng Pampanga PPO, na sina Khalib Mustapha, ng Brgy. San Pedro Cutud; Lord Almonte ng Brgy. Del Carmen, parehong sa nabanggit na lungsod; at Federico Pangilinan, ng Brgy. Bagong Bayan, lungsod ng Angeles.
 
Nakuha ng mga operatiba mula sa pag-iingat ng mga suspek ang apat na paketeng naglalaman ng 15 gramo ng hinihinalang shabu at nagkakahalaga ng P102,000, at marked money na ipinain sa mga suspek.
 
Nahaharap sa kasong paglabag sa Section 5 at 11 ng RA 9165 o Comprehensive Dangerous Drugs Act of 2002 ang mga suspek na kasalukuyang nakakulong sa Mexico PNP custodial facility. (RAUL SUSCANO)

About Raul Suscano

Leave a Reply

Your email address will not be published. Required fields are marked *

*

Scroll To Top