Tuesday , March 19 2024

3 Kapitan nasa ‘hot seat’ sa ‘super spreader events’ sa kanilang AOR — DILG

TATLONG barangay chairmen ang iniimbestigahan ng Department of the Interior and Local Government (DILG) dahil sa paglabag sa ‘mass gatherings’ sa kanilang mga hurisdiksiyon.
Pinangalanan ni DILG Secretary Eduardo Año ang mga Kapitan na sina Ireneo H. Cabahug ng Barangay Matabungkay, Lian, Batangas; Bobby Daquioag ng San Mariano, Sta. Marcela, Apayao, at Franklyn O. Ong ng Kasambangan, Cebu City.
Kinuwestyon ni Año si Cabahug kung bakit nabigong ipatupad ang minimum public health standards sa mga turista na nagtungo sa isang beach resort sa Barangay Matabungkay, Batangas.
Samantala, si Daquioag ay posibleng matanggal sa trabaho matapos siyang dumalo sa isang kasalan at nagtungo sa reception sa San Mariano, Apayao habang ang kanilang probinsiya ay nasa ilalim ng modified enhanced community quarantine (MECQ).
Habang si Ong ay iniimbestigahan dahil sa magkahiwalay na insidente ng paglabag sa physical distancing sa F-bar and Café at Simatra Café sa Kasambangan, Cebu City.
Ang tatlong kapitan ay nahaharap sa patong-patong na mga kaso tulad ng gross neglect of duty, negligence, serious misconduct, and violation of Republic Act No. 11332 o mas kilala sa Mandatory Reporting of Notifiable Diseases and Health Events of Public Health Concern Act.
Naisumite ng kalihim sa mga Prosecutor’s Office ng mga nabanggit na lalawigan ang mga nasabing kaso laban sa mga kapitan. (ALMAR DANGUILAN)

About Almar Danguilan

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *