Tuesday , March 19 2024

12-anyos ‘nene, 2 lumad patay sa bala ng militar (Umaani ng abaka)

HINDI nakaligtas sa kamatayan ang tatlong miyembro ng tribong Lumad-Manobo, kabilang ang isang 12-anyos batang babae, nang pagbabarilin ng sinabing mga kagawad ng militar sa bayan ng Lianga, lalawigan ng Surigao del Sur, nitong Martes, 15 Hunyo.
 
Ayon sa grupong Karapatan, kasalukuyang inaani ng mga biktimang kinilalang sina Willy Rodriguez, 20 anyos; Lenie Rivas, 38 anyos; at Angel Rivas, 12 anyos, ang abaka nang pagbabarilin sila ng mga mga sundalong kasapi ng 3rd Special Forces Battalion ng Philippine Army.
 
Naganap ang insidente dakong 1:00 pm nitong Martes, sa Sitio Panukmoan, Brgy. Diatagon, sa nabanggit na bayan.
 
Pawang mga residente ng Sitio Manluy-a sa naturang barangay ang mga biktima.
 
Samantala, ayon sa 4th Infantry Division ng Philippine Army, na nangangasiwa sa 3rd Special Forces Battalion, mga miyembro umano ng New People’s Army ang mga biktima na pinabulaanan ng Karapatan at sinabing sila ay mga magsasaka.
 
Dagdag ng militar, nagpasabog umano ng bomba at pinaputukan sila ng mga biktima kaya napilitan silang gumanti ng putok.
 
Nabatid na si Angel ay isang grade 6 student sa Lumad School Tribal Filipino Program ng Surigao del Sur habang sina Willy at Lenie ay kapwa miyembro ng organisasyon ng mga Lumad na Malahutayong Pakigbisog alang sa Sumusunod.
 
Dagdag ng Karapatan, dinala ng mga sundalo ang mga labi ng mga biktima sa kanilang headquarters sa bayan ng St. Christine, sa nabanggit na lalawigan.

About hataw tabloid

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *