Thursday , July 29 2021
Breaking News
You are here: Home / News / Drug bust nauwi sa shootout, tulak dedo sa Nueva Ecija
Drug bust nauwi sa shootout, tulak dedo sa Nueva Ecija

Drug bust nauwi sa shootout, tulak dedo sa Nueva Ecija

BINAWIAN ng buhay ang isang suspek nang maka-enkuwentro ang mga nakatransaksiyong operatiba ng Cabanatuan City Police SDEU makaraang pumalag sa inilatag na drug bust na nauwi sa running gun battle nitong Linggo, 13 Hunyo, sa Brgy. Dalampang, sa lungsod ng Cabanatuan, lalawigan ng Nueva Ecija.
 
Kinilala ni PRO3 Director P/BGen. Valeriano De Leon ang suspek, base sa ulat ni P/Col. Jaime Santos, acting Provincial Director ng Nueva Ecija PPO, na si Jayson Ando, kabilang sa high value individual (HVI), residente sa Brgy. Mabini Homesite, sa nabanggit na lungsod, na agad namatay sa pinangyarihan ng insidente.
 
Nakuha ng mga nagrespondeng Scene of the Crime Operatives (SOCO) ang isang kalibre .45 baril, mga basyo ng bala, isang kaha ng sigarilyo na naglalaman ng apat pakete at 20 pirasogn sachet ng hinihinalang shabu, nakabalot sa dalawang face mask na umabot sa kabuuang timbang na 100 gramo, nagkakahalaga ng P680,000, at marked money na ipinain sa suspek.
 
“PNP PRO3 is continuously conducting proactive operations to invigorate its efforts to wipe out all forms of illegal drugs in order to achieve its quest for a drug-free Central Luzon,” pahayag ni P/BGen. De Leon. (RAUL SUSCANO)

About Raul Suscano

Leave a Reply

Your email address will not be published. Required fields are marked *

*

Scroll To Top