Monday , July 26 2021
Breaking News
You are here: Home / Showbiz / Willie ayaw tantanan ni Pangulong Digong
Willie ayaw tantanan ni Pangulong Digong

Willie ayaw tantanan ni Pangulong Digong

FACT SHEET
ni Reggee Bonoan


NAGSABI
na rati si Wowowin host, Willie Revillame na wala siyang planong pasukin ang politika at nakatutulong naman siya kahit wala siyang puwesto sa gobyerno.

Pero mukhang mahihirapan siyang tumanggi ngayon dahil hindi siya tinatantanan ni Presidente Rodrigo Duterte na tumakbong Senador base na rin ito sa pahayag kay Willie noong nagkausap sila sa telepono at nasa gitna si Senador Bong Go.

Marami kasing natutulungan si Willie na kababayang Pinoy at ito ang gusto ni Presidente Duterte na ipagpatuloy ng TV host ang pagtulong sa taumbayan kaya kailangan niya ng kaagapay para gawin ito at ang pagkandidato sa 2022 ang sagot.

Sabi ni Presidente Duterte sa video message niya, ”Willie, si mayor ‘to. Kumusta ka? Matagal na tayong ‘di nagkita pero palagi kitang naaalala dahil gusto ko sanang maging senador ka.”

Hindi rin kaila sa pangulo na nahihirapang mag-isip si Willie dahil nga wala naman siyang interes sa politika.

”Pero ganoon pa man open ang slot until the last minute. Kung ayaw mo na talaga eh, ‘di pwede na tayo mag-usap ulit,” say ng pangulong Duterte.

Dagdag pa, ”Bilib ako sa appeal mo sa masa.”

May tinanungan naman kaming taong malapit kay Willie kung ano na ang nabuo nitong plano sa panliligaw ni Pangulong Duterte sa kanya.

“Naku, wala pa siyang maisagot. Nasusuka na nga raw siya sa kaiisip, ha, haha,” tumawang sagot sa amin.

Anyway, wait na lang natin kung ano ang final answer ni Willie sa mga susunod na araw.

About Reggee Bonoan

Leave a Reply

Your email address will not be published. Required fields are marked *

*

Scroll To Top