Thursday , July 29 2021
Breaking News
You are here: Home / Hataw Lifestyle / Barangayanihan sa Pasay City inilunsad ng PNP
Barangayanihan sa Pasay City inilunsad ng PNP

Barangayanihan sa Pasay City inilunsad ng PNP

NAGSAGAWA ng simultaneous ‘Barangayanihan’ ang Philippine National Police (PNP) bilang bahagi ng Regionwide Community Clean-up Drive sa pakikipagtulungan ng lokal na pamahalaan ng ilang barangay sa lungsod ng Pasay, napag-alaman sa ulat kahapon.
 
Ayon kay Barangay 199, Zone 20 , Kagawad Jojo Sadiwa, layunin ng proyekto na mapangalagaan ang kalinisan at kaayusan ng bawat barangay sa lungsod Pasay upang mapanatili ang social responsibility ng mga residente kahit sa panahon ng pandemya.
 
Bukod dito, dapat panatilihin ang ipinatutupad na health protocols at guidelines ng CoVid-19 IATF at ang kaparusahan sa sinumang lalabag.
 
Ang nasabing programa ng PNP ay sinabayan din ng pagkakatatag ng KKDAT (Kabataan Kontra Droga at Terorismo) na magiging katuwang ng mga alagad ng batas ang mga kabataan sa barangay para isulong ang pagsupil sa ilegal na droga.
 
Ito rin ang paraan upang pasiglahin ang pagganyak sa kapwa kabataan na maging aktibo o makilahok sa ilang aktibidad ng Sangguniang Kabataan sa kanilang komunidad o school based activities ng KKDAT.
 
Ang kasunduan sa pagitan ng mga barangay officials at PNP ay nilagdaan nina P/Major Crisanto Racoma, chief, Sub Station 8 Pasay CPS; P/Major Marvoin Oloan ng AVSEU NC-NAIA 2 Police station; P/Major Jonalyn Manlat, OIC, PCRS, PNP SAF Air Unit; P/Major Albert Timpac ng AVSEU NCR,NAIA 1 Police Station; Bgy. 199 Chairman Dan Detera and Council, at SK officials.

About hataw tabloid

Leave a Reply

Your email address will not be published. Required fields are marked *

*

Scroll To Top