Monday , July 26 2021
Breaking News
You are here: Home / Showbiz / Alma Moreno ipina-Tulfo
Alma Moreno ipina-Tulfo

Alma Moreno ipina-Tulfo

INIREKLAMO at ipina-Tulfo pa ng may-ari ng inuupahang condominium unit sa Parañaque si Alma Moreno. Ito’y matapos umanong layasan na lamang ng aktres at hindi binayaran ang nagamit na kuryente na umaabot sa P40k.

Sa nasabing programa, ipinasilip ng may-ari ng condo na si Theresa Grenard ang kalagayan ng condo na nilayasan ni Alma.

Kuwento ni Grenard, ilang beses itong nakipag-ugnayan kay Alma tungkol sa isyu subalit deadma lang umano ito.

Ayon pa sa may-ari ng condo, hindi niya pinarerentahan ang unit dahil pandemya ngunit nakiusap si Alma at kanya itong pinagbigyan.

Isang buwan ang kanilang napag-usapan mula Agosto 25 hanggang Setyembre 25. Sa umpisa ay wala raw naging problema hanggang sa malaman niyang umabot na sa limang buwan na hindi nakapagbabayad ang aktres na naputulan pa ng kuryente.

Sambit pa ni Grenard, kahit hindi na bayaran ng mommy ni Mark Anthony Fernandez ang upa sa kanya, basta’t bayaran nito ang kuryenteng ginamit sa condo.

Sabi naman ni Alma, alam ng Diyos na wala siyang kasalanan.

Sana ay mag-usap na lang ang dalawang panig at ayusin na lang nila ang gusot nila. Lahat naman ay nadadaan sa magandang usapan, ‘di ba? (ROMMEL PLACENTE)

About Rommel Placente

Leave a Reply

Your email address will not be published. Required fields are marked *

*

Scroll To Top