Wednesday , June 23 2021
Breaking News
You are here: Home / Showbiz / GMA’s leading men kabado sa pagpasok ni John Lloyd
GMA’s leading men kabado sa pagpasok ni John Lloyd

GMA’s leading men kabado sa pagpasok ni John Lloyd

HATAWAN
ni Ed de Leon

NAGING trending sa social media, at nagrehistro ng mataas na ratings sa isang overnight survey ang paglabas ni John Lloyd Cruz sa isang special na inilabas sa GMA 7. Pinag-uusapan na rin ngayon ang sinasabing paggawa niya ng isang prime time series na makakasama niya ang komedyante at tila adviser niya ngayong si WillieRevillame at posibleng si Andrea Torres din.

Naroroon din sa audience si Maja Salvador na tinatawag ni Lloydie na “Miss M,” na sinasabing siyang tumatayong manager niya ngayon. Hindi rin naman nila ikinaila na nakikipag-negosasyon na si John Lloyd sa mga executive ng network, particularly kay Annette Gozon Valdez, tungkol sa posibilidad ng kanyang tuluyang paglipat sa Kamuning.

Palagay namin mas lalo ngayong tumindi ang interest ng mga taga-Kamuning kay John Lloyd dahil napatunayan na kahit na guest appearance lamang niya ay nakapag-rehistro siya nang mataas na ratings, ibig sabihin hindi nabawasan ang paghanga ng mga tao sa kanya sa kabila ng ilang taon niyang absence at sa halip lalo pang nanabik ang mga fan na siya ay mapanood na muli.

Mabilis naman ang reaksiyon ng mga Kapuso leading ladies na lahat ay bumati ng welcome kay John Lloyd. Una na nga riyan sina Jennylyn Mercado at Sanya Lopez, na sinundan din ng iba pa.

Para sa kanila ay napakagandang balita nga kasi ng paglipat ni John Lloyd dahil nangangahulugan iyon na posibleng makatrabaho nila ang mahusay na actor, at idagdag mo pa roon ang matindng audience impact na nangangahulugang mas marami rin ang makakapanood at makakapansin ng kanilang performance. Posible ring sa pagbubukas ng mga sinehan ay posibleng makatambal sila ng mahusay na actor sa pelikula, na dati ay ambisyon nga lang nila dahil nakatali pa iyon noon sa ABS-CBN.

Ang medyo apektado naman diyan ay ang mga leading men sa Kamuning. Kung dati ay sila-sila lamang ang magkakalaban, ngayon may matindi na silang kakompitensiya na bukod sa isang magaling na actor, talagang subok na rin ang rating at box office potentials. Mahirap kalaban iyan.

 

 

About Ed de Leon

Leave a Reply

Your email address will not be published. Required fields are marked *

*

Scroll To Top