Tuesday , June 15 2021
Breaking News
You are here: Home / Showbiz / Jervy delos Reyes, may negosyong pinagkaka-abalahan
Jervy delos Reyes, may negosyong pinagkaka-abalahan

Jervy delos Reyes, may negosyong pinagkaka-abalahan

ALAM MO NA!
ni Nonie Nicasio
MAY pinagkaka-abalahang negosyo ang BidaMan finalist na si Jervy delos Reyes. Nabanggit niya ito sa amin nang makahuntahan namin siya ilang araw na ang nakalipas.

Ani Jervy, “I just opened a new business despite of this pandemic, bale may resto na po ako. Ito po ay located sa Timog, Quezon City po at ang name po is Mangan Tila Pigar Pigar.

“Sa BBQ po ako ang nagma-manage, minsan ako na rin ang nag-iihaw. Pero ang best seller talaga namin is yung Pangasinan food, like pigar pigar.”

Hindi naman daw taga-Pangasinan si Jervy, kundi ang kanyang business partner.

Lahad ng aktor, “Iyong kasosyo ko po is si Kirst Viray, siya ang taga-Pangasinan.”

Ipinahayag ni Jervy na masaya siya ngayon na ang kanyang naipong pera ay hindi nawawaldas sa walang kapaparakang mga bagay.

“Masaya po, kasi kahit paano may napupuntahan yung pera ko and napapaikot ko yung ipon ko, na hindi tulad dati na puro ako luho and gimik,” esplika pa niya.

Si Jervy ay bahagi ng cast ng pelikulang Balangiga 1901 na tinatampukan nina  Ejay Falcon, Jason Abalos, Richard Quan, Mark Neumann, Franco Miguel, Lala Vinzon, Emilio Garcia, Jao Mapa, Ricardo Cepeda, at iba pa.

 

About Nonie Nicasio

Leave a Reply

Your email address will not be published. Required fields are marked *

*

Scroll To Top