Friday , June 25 2021
Breaking News
You are here: Home / Opinion / Yorme Isko ‘kumasa’ vs dagdag-gastos na face shield
Yorme Isko ‘kumasa’ vs dagdag-gastos na face shield

Yorme Isko ‘kumasa’ vs dagdag-gastos na face shield

ALAM nating sa panahon ng pandemya, habang ang buong mundo ay may gera laban sa prehuwisyong CoVid-19, importante ang patakarang obey first before you complain.
 
Kaya nang magpahayag si Manila Mayor Francisco “Isko Moreno” Domagoso na ayaw na niya ng face shield, lalo kapag malaking porsiyento ng mga mamamayan ay nabakunahan na, ay higit pa nating hinangaan ang alkalde.
 
Dapat umanong ikonsidera na ilan sa mga nagsusuot ng facemask at face shield ay nahihirapang huminga lalo ang mga may sakit sa puso at baga.
 
Palagay natin, hindi naman nagsalita si Yorme Isko para sa kanyang sarili. Ang pahayag ng alkalde ay daing hindi lang ng mga taga-Maynila kundi ng mas maraming mamamayan sa Filipinas.
 
Sa totoo lang maraming hindi komportable sa pagsusuot ng face shield. Para sa kanila, mas kinakapos sila ng oxygen kapag naka-face shield kaya sila ay nahihilo.
 
Bukod diyan, ito ay karagdagang gastos sa araw-araw o sabihin na nating hanggang dalawang araw nagagamit ang face shield pero tosgas pa rin.
 
Mas madalas, kapag naiiwan ang face shield nagiging dahilan pa ito ng pagkabalam ng tatapusing transaksiyon, kasi nga hindi makasasakay sa kahit anong transportasyon, at lalong hindi makapapasok ng mga institusyon o establisimiyento kapag walang face shield.
 
Sa totoo lang, kapag gumagamit ng eyeglasses, ang hirap kapag naka-face shield. Ang lakas makasira ng eyeglasses ng face shield. Kasi nag-aaway sa nose bridge ‘yung nose pads ng eyeglasses at ng face shield.
 
‘Yung iba naman, dahil plastic nga ang face shield, nasu-suffocate sa amoy, at ‘yun nga masyadong dikit sa mukha kaya nawawalan ng espasyo ang hangin. Resulta kakapusin talaga ng oxygen hanggang mahilo na.
 
Kaya naman, isa tayo sa natutuwa nang sabihin ni Yorme Kois na gusto niyang ipagbawal o tanggalin ang pagsusuot ng face shield sa Maynila.
 
Sabi ni Yorme, “Filipinas na lang ang bukod-tanging bansa na gumagamit ng face shield.”
 
Panahon na umano para muling pag-aralan ito upang maibsan ang gastusin ng mga mamamayan.
 
Bawas na sa gastos, ginhawa pa sa mamamayan.
 
Go Yorme go!

ANONG VACCINE
ANG GUSTO MO?

NAKAAALARMA ang naging desisyon ng ibang mga bansa tungkol sa pananaw nila sa Sinovac CoVid-19 vaccine na karaniwang ibinibigay ngayon sa mamamayang Filipino.
 
Para sa European Union na nagbigay ng pahintulot sa mga turista upang makapasok muli sa kanilang mga bansa. Ngunit kapansin-pansin ang kanilang pagkiling sa mga bakuna ng AstraZeneca, Johnson & Johnson, Moderna, Pfizer-Biotech, and Sinopharm, dahil ang mga turistang nabakunahan ng nabanggit na brand ang tangi nilang tatanggapin sa kanilang bansa.
 
Gayondin ang naging pananaw ng ilang bansa sa Gitnang Silangan gaya ng Israel at Saudi Arabia na tumanggi sa bakunang Sinovac na itinurok sa karamihan ng overseas Filipino workers (OFWs) na patungong Middle East.
 
Kailan lang ay nagkaroon ng temporary suspension para sa deployment ng mga OFW sa Saudi na pinirmahan ni DOLE Secretary Bello.
 
Ito ay sa kadahilanang pagtanggi ng kanilang employers at foreign agencies na sagutin ang insurance para sa CoVid-19 sa pagpasok nila sa Saudi Arabia.
 
Isa rin sa requirements ang pagkakaroon ng CoVid-19 vaccine para sa mga OFW na papasok, ngunit tinanggihan ng gobyerno ng Saudi Arabia ang Sinovac.
 
Hindi sila makapagde-deny dahil sa “vaccine certificate” na ipepresinta nila pagpasok sa bansang kanilang pupuntahan.
 
Wattafak!
 
Pero agad na binawi ni Sec. Bello ang kanyang memo after two days sa Saudi bound OFWs.
 
Kaya naman pala mismong si Digong ay hindi nagpaturok ng Sinovac. Kundi tayo nagkakamali ay mas pinili niya ang vaccine na Sinopharm.
 
Sa ngayon, maging ang Amerika at Canada ay masusing pinag-aaralan kung tatanggapin nila ang mga turista na tinurukan ng Sinovac.
 
Base sa pag-aaral ng mga eksperto, hindi pa lubos na napatunayan kung epektibo ang Sinovac sa UK and Indian variant ng CoVid. ‘Di gaya ng AstraZeneca, Pfizer, Moderna, at iba pa na sinasabing may kakayahan upang labanan ang mga ganitong variants.
 
Hindi naman kaya ‘bias’ lang ang mga nasbaing bansa dahil kalaban nila ang China?
 
Sana naman sa darating na araw ay magkaroon ng konsiderasyon pagdating sa Sinovac vaccine.
 
Dahil kung ito man ay magtutuloy-tuloy, maging ang medical frontliners, gaya ng mga doktor at nurses at empleyado ng gobyerno na tumanggap na ng Sinovac ay siguradong apektado rin.
 
Paano naman kaya ‘yung regular travelers na IOs ng BI na madalas ay umaabot sa apat hanggang limang biyahe kada taon?
 
Kung Sinovac ang vaccine n’yo e ‘di tengga muna kayo, guys?
 
Ipon-ipon na lang muna habang wala pa ulit ‘pastillas.’

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

 

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top