Tuesday , June 15 2021
Breaking News
You are here: Home / Showbiz / T-Bird at Ako nina Nora at Vilma, closing film ng 2nd PelikuLAYA: LGBTQIA+ Filmfest
T-Bird at Ako nina Nora at Vilma, closing film ng 2nd PelikuLAYA: LGBTQIA+ Filmfest

T-Bird at Ako nina Nora at Vilma, closing film ng 2nd PelikuLAYA: LGBTQIA+ Filmfest

MAPAPANOOD ang restored version ng classic film na pinagsamahan nina Nora Aunor at Vilma Santos titled T-Bird at Ako na pinamahalaan ni Danny Zialcita. Ito’y magaganap sa pagdiriwang ng Pride Month ngayong Hunyo, idadaraos ng Film Development Council of the Philippines (FDCP) ang 2nd PelikuLAYA: LGBTQIA+ Film Festival online mula Hunyo 4 hanggang 30.

Ang PelikuLAYA ngayong taon na may temang Sama-Sama, Lahat Rarampa! ay naglalayong mas bigyan ng empowerment ang mga miyembro ng LGBTQIA+ community sa pagpapalabas ng lokal at internasyonal na mga pelikula at pagsasagawa ng film talks at lectures, drag yoga event, at musical performances.

“The Film Development Council of the Philippines is relaunching PelikuLAYA this year as an annual LGBTQIA+ film festival organized by the national government as our way to express our continued support for gender equality and inclusivity by creating platforms to bring to light the struggles, celebrate the achievements, and champion the causes of the LGBTQIA+ community,” wika ni FDCP Chairperson at CEO Liza Diño.

Simula Hunyo 4, mayroong 23 subscription films na mapapanood sa halagang P99 sa FDCP Channel (fdcpchannel.ph) kasama ang pitong pelikulang puwedeng mapapanood hanggang Hunyo 30: Masahista ni Brillante Mendoza, I Love You. Thank You ni Charliebebs Gohetia, Mga Gabing Kasing Haba ni Hair Ko ni Gerardo Calagui, Miss Bulalacao ni Ara Chawdhury, Ang Huling Cha-Cha Ni Anita ni Sigrid Andrea P. Bernardo, Best. Partee. Ever. ni HF Yambao, at Ned’s Project ni Lem Lorca.

For rental naman simula Hunyo 4 ang award-winning French film na Portrait of a Lady on Fire ni Céline Sciamma nina Adèle Haenel at Noémie Merlant. Ang 2019 Cannes awardee para sa Queer Palm Prize at Best Screenplay ay maaaring panoorin sa P220 na may 7-day access na magwawakas tapos ng 48 na oras mula sa unang pagbukas nito.

Magpapalabas ang PelikuLAYA ng apat na libreng pelikula sa festival: Ang documentary ni Rhadem Morados na Budjang at tatlong shorts mula sa CineSpectra 2019: A Film Festival for HIV/AIDS Awareness – A ni Rod Modina, Alex & Aki ni Dexter Paul de Jesus, at Doon sa Isang Sulok ni Yong Tapang, Jr. Gaganapin din ang libreng one-time screening ng Lihis ni Joel Lamangan para sa opening program at T-Bird at Ako ni Zialcita para sa closing program.

Upang mapanood ang mga pelikula sa PelikuLAYA, bisitahin at mag-rehistro sa FDCP Channel. Para sa karagdagang impormasyon at katanungan, bisitahin ang https://www.facebook.com/fdcpchannel o fdcpchannel.ph.

About Nonie Nicasio

Leave a Reply

Your email address will not be published. Required fields are marked *

*

Scroll To Top