Friday , June 25 2021
Breaking News
You are here: Home / Showbiz / Juliana Parizkova Segovia nabu-bully na nasa tiyan pa lang
Juliana Parizkova Segovia nabu-bully na nasa tiyan pa lang

Juliana Parizkova Segovia nabu-bully na nasa tiyan pa lang

FACT SHEET
ni Reggee Bonoan

INAMIN ni Miss Q&A 2018 grand champion Juliana Parizkova Segovia na nakatikim siya ng pambu-bully noong nasa sinapupunan palang siya ng ina.

Naikuwento ito ni Juliana sa ginanap na virtual mediacon para sa pelikulang Gluta kasama sina Ella CruzMarco Gallo, at ang direktor na si Darryl Yap.

Aniya, ”Sa mga nakaaalam ng istorya ng buhay ko, nasa sinapupunan pa lang ako, binu-bully na talaga ako.

“Noong nabuntis ang nanay ko, talagang ayaw ng family ng nanay ko na magbuntis siya ng ganoon kaaga. Parang nag-try na ilaglag (pa ako) and everything.

“Pero siyempre, makapit ako, palaban, kaya nailabas pa.”

Hindi roon nagtapos ang mga natikmang lait ni Juliana dahil nang lumaki na siya ay sumasali siya sa Barangay Gay contests.

“Hanggang paglabas, hanggang sa lumalaki ako, lahat ‘yan na-experience ko, lalong-lalo na noong nagsisimula na akong sumali sa Miss Gay.

“Nang magsimula akong mag-contest sa mga barangay at ang kalaban ko, eh, talagang totoong mga baklang magaganda, malalambot, mukhang babae, roon talaga ako naka-experience ng bullying.

“’Yung experience na biglang may mananakit sa ’yo nang walang dahilan, totoo po na nangyayari.

“Kasi kapag ako ang nananalo sa isang barangay contest, hinahampas ako ng trophy sa ulo. Parang hindi nila matanggap na ako ‘yung title (nanalo). So, ang ginagawa ko, inaalayan ko sila ng bouquet of flowers. ‘O, iyo na lang ‘yan para may maiuwi ka.’”

Kaya naman noong sumali siya sa Miss Q & A sa It’s Showtime ay malaki ang nabago sa buhay niya, hindi na siya masyadong nabu-bully.

“Nabawasan talaga simula noong ako mismo, kailangan kong maniwala sa sarili ko na maganda ako.

“Kasi kapag hindi ako naniwala sa sarili ko na maganda ako, ‘yun din ang makikita sa akin ng mga tao,” paliwanag ng komedyana.

Gagampanan ni Juliana ang karakter na Tiyong Go sa pamangking si Ella as Angel na may lahing Aeta at pangarap nilang sumali sa beauty contest.

Anyway, streaming ang Gluta sa Vivamax sa Hulyo 2 kasama ang Middle East tulad ng UAE, Saudi Arabia, Kuwait, Oman, Bahrain, at Qatar sa halagang AED35/month.

About Reggee Bonoan

Leave a Reply

Your email address will not be published. Required fields are marked *

*

Scroll To Top