Thursday , March 28 2024
Navotas

Navotas, PSA nagsimula na para sa national ID

SINIMULAN ng pamahalaang lungsod ng Navotas, sa pakikipagtulungan sa Philippine Statistics Authority (PSA) ang pagpapatala ng biometric ng Navoteños sa Philippine Identification System (PhilSys).
 
“The national ID will give them not just proof of their identity, but will make it easier for Navoteños to avail of all social services and government benefits applicable to them,” ani Mayor Toby Tiangco.
 
Ilang mga residente ng Brgys. Bagumbayan South, Bangkulasi, North Bay Boulevard North (NBBN), San Roque, Sipac-Almacen, Tanza 2, Tangos North at South ang nakakompleto ng unang step sa national ID registration.
 
Nauna rito, nagsagawa ang mga tauhan ng PSA ng house-to-house interviews sa naturang mga barangay para sa demographic data collection. Gayonman, nahinto ito, kasunod ng muling pagpapatupad ng ECQ sa Metro Manila.
 
Ang mga residente na nakompleto ang Step 1 ay sumasailalim sa biometric enrollment.
 
Hinihikayat ang mga Navoteño na hindi na-interview ng PSA na magparehistro sa PhilSys online portal, sa sandaling ito ay magagamit para sa mga residente ng lungsod.
 
Sa Step 2, ang supporting documents ng nagparehistro ay ipapakita ang kanyang demographics para mai-encode, ang kanyang biometric ay makukuha at maitatala, at siya ay bibigyan ng isang transaction slip.
 
Magkakasabay na isasagawa ang registrations sa apat na lugar sa lungsod kabilang ang Navotas City Hall mula 31 Mayo – 3 Hunyo; Brgy. NBBN Covered Court, 1 Hunyo – 10 Agosto; Navotas City Library, 3 Hunyo –30 Disyembre; at Brgy. Tanza 2 Multi-Purpose Hall, 5 Hunyo – 30 Oktubre.
 
Para masigurong nasusunod ang mga safety protocols, limitado ang tatanggaping bilang ng mga magpaparehistro kada-araw.
 
Kapag available na ang National ID, ipadadala ito sa address ng nagparehistro. Dapat niyang ipakita ang kanyang transaction slip o anomang patunay ng pagkakakilanlan upang makuha ang ID. Kung wala siya para tanggapin ang ID, maaari siyang magpahintulot ng isang kinatawan. Kailangan ipakita ang transaction slip, authorization letter, at valid ID ng registrant. (ROMMEL SALES)

About Rommel Sales

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *