Tuesday , June 15 2021
Breaking News
You are here: Home / News / MECQ hazard pay sa gov’t workers aprub kay Duterte
MECQ hazard pay sa gov’t workers aprub kay Duterte

MECQ hazard pay sa gov’t workers aprub kay Duterte

INAPROBAHAN ni Pangulong Rodrigo Duterte ang pagbibigay ng hazard pay sa lahat ng government workers na physically ay nagrereport sa kanilang mga trabaho sa panahon ng modified enhanced community quarantine (MECQ) period mula 12 Abril hanggang 14 Mayo o 31 May.
 
Sa pamamagitan ng Administrative Order 43, inamyendahan ni Duterte ang AO 26 na nagbibigay ng hazard pay sa mga manggagawa ng gobyerno na required na physically ay nagre-report sa site para sa kanilang trabaho sa loob ng ECQ period.
 
Batay sa AO 43, ang budget para sa hazard pay para sa local government unit (LGU) workers ay magmumula sa 2021 local government funds, habang ang para sa government-owned and controlled corporations, ay popondohan ng bawat GOCC’s corporate operating budget para sa 2021.
 
Kapag nagkulang ang kani-kanilang pondo, ang LGUs at GOCCs ay pinapayagan bawasan ang ideal amount na P500 per day, pero mananatiling mandated na magbigay ng uniform amount ng hazard pay para sa lahat ng kalipikadong personnel, kabilang ang mga contractual at job order status.
 
Nilagdaan din ni Pangulong Duterte ang Administrative Order 42 na nagpapahintulot sa patuloy na pagbibigay ng CoVid-19 special risk allowance sa public at private health workers. (ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top