Tuesday , September 21 2021

Mas mataas na pensiyon para sa senior citizens aprobado sa Kamara

INAPROBAHAN ng Kamara sa pangalawang pagdinig ang panukalang batas na itaas ang buwanang pensiyon ng senior citizens.
 
Mula sa kasalukuyang P500 gagawing P1000 ang pensiyon ng seniors.
 
Layunin ng House Bill 9459 na amyendahan ang Republic Act 7432, na nagbibigay benepisyo sa senior citizens.
 
Bukod sa pagtaas ng pensiyon, layunin din ng panukala na bigyan ng mandato ang Department of Social Welfare and Development (DSWD) na rebisahin at itaas ang pensiyon kada dalawang taon depende sa kasalukuyang mount of consumer index.
 
Mahigit tatlong milyong senior citizens ang magbebenepisyo sa naturang panukalang batas.
 
Ayon kay House Deputy Minority Leader at Bayan Muna Rep. Carlos Isagani Zarate, “this is a very positive development especially now in the time of the CoVid pandemic where our seniors are very vulnerable.”
Sa pagdinig sa plenary, iminungkahi ni Zarate na tangalin ang “very discriminatory qualification under the existing law of being frail, sick or with disability before an indigent elderly may qualify as beneficiary of the social pension.”
 
“This approved bill admittedly is still far from our objective of a truly universal pension for the elderly, but, this is a big step since the expanded Senior Citizens law was passed in 2010. This is at least a boost to the meager funds our seniors have now for their food and medicine,” ani Zarate. (GERRY BALDO)

About Gerry Baldo

Check Also

tocilizumab

Problema sa Tocilizumab aksiyonan — Bongbong

NANANAWAGAN si dating Sen. Ferdinand “Bongbong” Marcos, Jr., sa pamahalaan na hulihin at magkaroon ng …

Leave a Reply

Your email address will not be published. Required fields are marked *