Tuesday , June 15 2021
Breaking News
You are here: Home / Showbiz / Alma Concepcion, inspirasyon si Rhea Tan sa pagiging businesswoman
Alma Concepcion, inspirasyon si Rhea Tan sa pagiging businesswoman

Alma Concepcion, inspirasyon si Rhea Tan sa pagiging businesswoman

TUMANGGAP recently ng Top Seller award sa Beautéderm si Alma Concepcion. Bukod sa pagiging aktres, former beauty queen, devoted mom, at interior designer, si Alma ay isang masipag na businesswoman na ang Beautederm store ay matatagpuan sa No. 59 Xavierville Ave, Colonial Residences.

Ipinahayag ng aktres na hindi niya inaasahan ang naturang award.

Aniya, “Ang reaction ko noong nabigyan ako ng award ay sobrang nagulat. Kasi nakakalula yung mga top sellers tuwing tinigtignan ko. Pero na-inspire ako sa kanila at nag-focus at nagbigay dedikasyon sa mga iba’t ibang paraan kung paano mag-market at mas itinaas ko pa ang customer service, kung saan naglaan ako during office hours sa pagsagot ng inquiries. Pinagtitiyagaan ko talaga ang pagiging available sa clients.”

Gaano ka-effective ang BeauteDerm? “Sa isang linggo makikita mo na agad ang resulta. Tanggal ang pekas, fine lines, acne, black/white heads, kahit walang derma. Yung glass skin na tinatawag o kutis porselana, ang final result ng paggamit ng BeauteDerm.

“Mayroon din kaming pang-even ng skin tone sa dark areas like the bikini, underarm, knees & elbow. Kumbaga face & body.”

Kahit may pandemic, totoo ba na mas lumakas ang sales ng BeauteDerm? Tugon ni Ms. Alma, “Yes, dahil mas may time ang mga tao na pangalagaan nila ang sarili nila, na kahit walang facials/derma ay maa-achieve nila ang skin na glass/perfect skin.”

Masasabi ba niyang ang Beautéderm President and CEO na si Ms. Rhea Anicoche-Tan ang kanyang mentor at inspirasyon sa pagiging businesswoman?

Wika ng aktres, “Absolutely. ‘Di ako aggressive na negosyante. Sa kanya ko natutunan to go outside my box. Yung pagpu-push niya, talagang big help. Si Ms. Rei ang nag-push sa akin to level up.

“Eight years akong nag-online selling. Medyo kuntento na ako roon, pero si Ms. Rei ang nagpadama na mas tataas ang sales ko ‘pag may store. Noong una, talagang takot ako sa laki ng capital. Kung wala yung push ni Ms. Rei, ‘di ako magkakaron ng sarili kong store, kung utak ko lang ang pagbabasehan.

“Ngayon na two years na ang Beautéderm store ko, talagang nakikita ko na tama si CEO (Ms. Rei), ang nakakagulat dito ay mas bilib siya sa akin kaysa sa bilib ko sa sarili ko,” masayang wika pa ni Ms. Alma na mapapanood sa June 12 sa Wish Ko Lang, kasama sina Ruru Madrid, Mark Dioniso, at Chanda Romero.
ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top