Friday , June 25 2021
Breaking News
You are here: Home / News / Negosyante, ‘tinaniman’ ng bala sa ulo (Sa loob ng SUV)
Negosyante, ‘tinaniman’ ng bala sa ulo (Sa loob ng SUV)

Negosyante, ‘tinaniman’ ng bala sa ulo (Sa loob ng SUV)

PATAY at may tama ng bala sa ulo nang matagpuan ang isang negosyante sa loob ng kanyang sasakyan sa Barangay Sto Niño, Quezon City, nitong Sabado ng gabi.
 
Sa ulat kay Quezon City Police District QCPD) Director, ang biktima ay kinilalang si Jose Alfredo Galvez Ong, Jr., 32, negosyante, residente sa No. 2062 Mindanao Ave., Sta. Mesa, Maynila.
 
Sa imbestigasyon ng Criminal Investigation and Detection Unit (CIDU) bandang 9:30 pm 22 May nang matagpuan ang bangkay ni Ong Jr., sa nakaparadang itim na Fortuner may plakang NAZ 7279 sa kanto ng Tomas Pinpin at Santol Sts., Brgy. Sto. Niño, Quezon City.
 
Batay sa pahayag kay P/MSgt. Julius Balbuena, ng saksing si Jeffrey Matias, tanod ng Barangay Sto. Niño, nakita niya ang Fortuner na naka-hazard mode at nang kanyang silipin sa bintana ay bumungad ang duguang katawan ng biktima.
 
Agad niyang inireport sa mga awtoridad ang natuklasan at doon ay nadiskubreng may isang tama ng bala sa ulo ng hindi pa batid na kalibre ng baril ang biktima.
 
Iniimbestigahan ng pulisya ang motibo sa naganap na krimen upang makilala ang salarin. (ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top