Friday , March 29 2024

Silent film making inilunsad

INILUNSAD ng International Silent Film Festival Manila (ISFFM) sa kanilang ika-15 taon ang Mit Out Sound (MOS): International Silent Film Lab 2021 para lalong mapalaganap ang silent filmmaking sa Pilipinas.

Ang ISFFM ay joint partnership ng Film Development Council of the Philippines (FDCP), Embassy of France in Manila, Philippine Italian Association, Goethe-Institute Philippinen, Instituto Cervantes de Manila, at Japan Foundation, Manila.

Taong 2007 itinatag ang ISFFM at isa ito sa mga natitirang silent film festivals sa mundo. Ito rin ang una at pinakamatandang Southeast Asian Silent film festival. Pinakaaabangan ito ng cinephiles at music lovers dahil pinagsasama nito ang film classics at mga musikero sa iisang entablado para magtanghal at mag-reinterpret ng mga kuwento.

Sa pamamagitan ng online na MOS: International Silent Film Lab, hinihikayat ng ISFFM ang paggawa ng silent films at makadiskubre ng new talents na makatatanggap ng mentorship mula sa local at international filmmakers tungkol sa story development, editing, technicalities, at iba pang elements ng silent filmmaking para lalong mapaganda ang kanilang visual narratives.

Pipili ang ISFFM committee ng 10 filmmakers pasa sumali sa intensive MOS film lab. Ang FDCP, sa pamamagitan ng Film Cultural Exchange Program (FCEP) nito, ang magsasagawa ng lahat ng kaganapan ng MOS, kasama ang Visual Storytelling Lab, Safe Filming Lab, at Editing Lab sessions na gagawin sa Zoom.

Sa dulo ng programa, tatanggap ang bawat kalahok ng P50,000 bilang production grant para magawa nila ang silent shorts na magkakaroon ng premiere sa Silent Short Film Competition ng ika-15 na ISFFM sa Nobyembre 2021.

Sa pagtatapos naman ng festival ay may incentive awards na igagawad: Best Film Award (P20,000 na may trophy at certificate), Jury’s Special Prize Award (P10,000 na may trophy at certificate), at Jose Nepomuceno Award (P15,000 na may trophy at certificate).

Philippine Cinema has lost most of its early silent films. Thi s sad reality inspired the creation of the first Mit Out Sound: International Silent Film Lab in order to revive the interest in silent filmmaking and enhance the expertise of Filipino filmmakers in creating unique and quality films,” ani FDCP Chairperson at CEO Liza Diño. 

Idinagdag ni Diño na mahalaga ang silent filmmaking sa kasaysayan ng Pelikulang Pilipino dahil ang unang pelikulang ipinrodyus at idinirehe ng Filipino, ang Dalagang Bukid ni Jose Nepomuceno, ay isang silent film. Ipinalabas ito noong Setyembre 12, 1919, at ang petsang ito ang naging batayan para sa deklarasyon ng Sine Sandaan o One Hundred Years of Philippine Cinema.

Dahil iilang filmmakers lamang ang gumagawa ng silent films, naglabas ang ISFFM ng nationwide call for entries na gawa ng amateur at professional filmmakers na may edad 16 pataas.

Ang MOS: International Silent Film Lab, na may theme na  Reimagining the Past with the Present, ay nais ipagbunyi ang film retrospective at magbigay-pugay sa Philippine silent cinema. Ang submissions ay dapat magkaroon ng artistic at contemporary reimagination at recreation ng isa sa mga sumusunod na Filipino silent film classics: tulad ng mga gawa ni Jose Nepumuceno na Dalagang BukidAng Tatlong Hambog, Ang Manananggal,  Moro PiratesMang Tano, Nuno ng mga AswangTianakMali-MaliEstrellita del cineMiracles of Love ni Vicente Salumbides, Patria Amore ni Julian Manansala, at Oriental Blood ni Carmen Concha.

Para sa filmmakers na nais sumali, kailangang ipasa ang sumusunod na requirements sa isang organized Google Drive folder na mayroong shared viewing setting sa [email protected] hanggang June 18, 2021: Presentation deck ng story treatment (Maaaring magpasa ng dalawang treatments ang bawat aplikante.); Kinompletong application form; Official government ID; at  Portfolio ng past works.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *