Friday , March 29 2024
npa arrest

Miyembro ng CPP-NPA, nasakote sa buy bust

NAARESTO ng magkasanib na puwersa ng Station Drug Enforcement Unit (SDEU) ng Malolos City Police Station (CPS) at 70th Infantry Batallion ng Philippine Army ang isang aktibong miyembro ng CPP-NPA sa isinagawang anti-illegal drug operation sa lungsod ng Malolos, lalawigan ng Bulacan.
 
Batay sa ulat ni P/Lt. Col. Jacquiline Puapo, hepe ng Malolos CPS, kinilala ang nadakip na si Dionisio Evangelista, alyas Ka Diony, 68 anyos, binata, driver at residente sa Infanta St., Brgy. Anilao, sa naturang lungsod.
 
Sa inisyal na imbestigasyon ni P/SSgt. Danilo Torres, may hawak ng kaso, bandang 4:00 pm nitong Martes, 18 Mayo, nang magsagawa ng buy bust operation ang mga operatiba ng SDEU sa pangunguna ng team leader nitong si P/CMSgt. Jayson Salvador kasama ang intelligence unit ng militar laban sa suspek na agad naaresto nang makabili ang nagpanggap na poseur buyer ng ilegal na droga.
 
Bukod sa ilegal na droga, nakompiska din mula sa suspek ang mga subersibong dokumento na noong una ay ikinatuwirang iniwan sa kanya ng isang babae na hindi binanggit ang pangalan.
 
Nabatid, tatlong buwang isinailalim sa surveillance ng pulisya at militar si Evangelista dahil sa impormasyon na bukod sa sangkot sa ilegal na droga ay aktibo rin bilang kasapi ng makakaliwang grupo.
 
Ayon kay Salvador, sa isinagawang interogasyon ay inamin ni Evangelista na isa siyang aktibong kasapi ng CPP/NPA at noong 2005 nang siya sumapi sa mga rebelde sa lalawigan ng Bataan.
 
Bumaba umano ng kabundukan ang suspek matapos magkasakit ng malaria noong 2010 ngunit naging bahagi pa rin sa mga kilos protesta mula sa hanay ng mga aktibista na tahasang lumalaban sa pamahalaan.
 
Nasamsam mula sa pag-iingat ng suspek ang limang piraso ng selyadong plastic sachet na naglalaman ng hinihinalang shabu, buy bust money, isang coin purse, isang ITEL keypad cellphone, isang Kymco XTR motorcycle, ptiong bala para sa carbine, tatlong planner, dalawang libro ng NPA , dalawang Kenwood 2-way radio, dalawang radyo, NPA leaflets, at ilang piraso ng military uniform. (MICKA BAUTISTA)

About Micka Bautista

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *