Tuesday , June 15 2021
Breaking News
You are here: Home / Showbiz / Tubig Queen isasabuhay ni Tekla
Tubig Queen isasabuhay ni Tekla

Tubig Queen isasabuhay ni Tekla

SA Sabado (May 15), tunghayan ang nakaaantig na kuwento ng pakikipagsapalaran ni Dodoy, ang Tubig Queen ng Cebu City, na gagampanan ni Kapuso comedian Romeo “Tekla” Librada sa Magpakailanman.

Mulat man sa kahirapan, likas na masiyahin at puno ng pag-asa si Dodoy na kilala hindi lang sa buong lungsod kundi pati na rin sa social media bilang ang nag-iisang “Tubig Queen” ng Cebu.

Nais makapagtapos ni Dodoy kaya’t masigasig siyang tumulong sa ina at ama sa paglalako ng tubig kahit sa murang edad. Dumanas siya ng pangungutya sa mga kamag-aral pero hindi siya nahiya dahil alam niyang walang makatutulong sa kanya kung hindi ang sarili.

Hindi naglaon ay sumikat si Dodoy sa mga parokyano dahil hinahaluan niya ng mga gimik katulad ng pagsusuot ng makukulay na costume ang kaniyang pagtitinda.

Dahil sa kaniyang pagsusumikap, nakapagtapos si Dodoy sa kolehiyo at pinarangalan din siya bilang isa sa mga outstanding youth ng kanilang lungsod.

Kilalanin ang kuwento ng isang batang hindi itinuring na hadlang ang kahirapan para makamit ang kanyang pangarap sa episode na Reyna ng Tubig: The Jay Kummer “Dodoy” Teberio Story sa Sabado, 8:00 p.m., sa Magpakailanman sa GMA.

Rated R
ni Rommel Gonzales

About Rommel Gonzales

Leave a Reply

Your email address will not be published. Required fields are marked *

*

Scroll To Top