Tuesday , March 19 2024

Kawatan todas sa shootout, kasabwat nakatakas (Bahay ng OFW niransak sa Nueva Ecija)

PATAY ang isang suspek habang nakatakas ang isa pa nang mauwi sa running gun battle ang habulan sa pagitan ng mga awtoridad at mga kawatang nanloob sa bahay ng isang OFW nitong Martes ng gabi, 11 Mayo, sa lungsod ng Cabanatuan, lalawigan ng Nueva Ecija.
 
Ayon sa isinumiteng ulat ni P/Col. Jaime Santos kay P/BGen. Valeriano De Leon, dead on the spot ang suspek na kinilalang isang alyas Darwin, residente ng nabanggit na lungsod.
 
Nabatid na natiyempohan ng mga operatiba ng Intelligence Unit ng Cabanatuan City Police Station sa pangunguna ni P/Maj. Angelito Manalastas ganap na 11:00 pm kamakalawa sa Brgy. Zulueta ang mga suspek sakay ng tig-iisang motorsiklo at armado ng maiiksing baril.
 
Imbes huminto, pinaputukan ng mga suspek ang mga humahabol na pulis na nauwi sa running gun battle at nagresulta sa pagkamatay ng suspek habang mabilis na humarurot sa kanyang pagtakas ang hindi pa kilalang kasabwat na tinutugis sa manhunt operation.
 
Nakuha sa pinangyarihan ng insidente ang isang kalibre .45 paltik, isang magasin, isang itim na Micro Bike EXT 125 motorsiklo, at mga basyo ng bala ng baril.
 
Batay sa imbestigasyon, pinasok ng mga suspek ang bahay ng isang OFW sa nasabing lugar dakong 4:50 pm at sinira ang bakal ng sliding glass na bintana saka niransak sa master’s bedroom ang P60,000 cash, P200,000 halaga ng mga alahas, at isang itim na leather Michael Kors shoulder bag na nagkakahalaga ng P15,000. (RAUL SUSCANO)

About Raul Suscano

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *