Thursday , March 28 2024

Sunshine parang kapatid lang ang mga anak — ‘Di ako nagpapaganda, wala lang akong problema

NAGLABASAN ang maraming mother’s day celebration photos at videos. Lahat yata ng artista mayroon. Pero ang nakatawag nga ng pansin ay ang mga picture ni Sunshine Cruz at ang kanyang mga anak.

Nagkakatanungan nga kasi sila. Sino ba ang nanay sa picture? Kasi sa totoo lang naman, akala mo kapatid lang ni Sunshine ang kanyang mga anak.

Siguro nga sabi nila, sa panahong ito ay wala siyang masyadong problema, kaya naman lalo siyang gumaganda.

“In a way siguro totoo iyon. Wala naman akong ginagawang iba. Iyong exercise ko usual lang naman. Wala naman akong ginagawang ibang pagpapaganda, siguro proper hygiene lang, pero ang malaking bagay talaga ay wala akong konsumisyon ngayon. Wala akong problema.

“Hindi be there was a time na pumayat ako at maski kayo nagtatanong kung bakit ako ganoon. Wala naman akong masabing dahilan kung hindi konsumisyon, mga pressure sa buhay. Noon talaga iba na ang nangyayari eh, kaya nagdesisyon akong humiwalay, tapos sunod-sunod naman ang iniintindi kong kaso sa korte, hanggang sa natapos na ngang lahat, ang pinakahuli iyong annulment ng kasal namin.

“Noon lang matapos lahat iyon at saka ko naramdaman na normal na ang lahat. Ang iniintindi ko na lang iyong mga anak ko, at wala naman akong problema sa kanila. Mababait na bata naman ang mga iyan. Noon din naman ako nagsimulang naka-recover. Malaking bagay talaga iyong wala kang stress.

Naka-move on na rin naman ako. Ngayon wala na akong inaasahang kahit na ano para sa mga anak ko. Responsibilidad ko na sila, at salamat naman sa Diyos, hindi ako nawawalan ng trabaho. Basta naman kasi ang trabaho mo gagawin mo nang maayos at wala kang kalokohan, hindi ka mawawalan ng trabaho. Ngayon ok na ok na ako,” mahabang paliwanag ni Sunshine.

May nagtatanong naman, kung hindi pa ba niya naiisip na magkaroong muli ng permanent partner in life?

“Naniniwala ako na darating din iyon in time. Wala na namang dahilan para magmadali ako sa bagay na iyan. Mas mabuti na ang lahat ay nasa ayos bago ang kahit na ano pa man,” sabi pa niya.

HATAWAN
ni Ed de Leon

 

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *