Tuesday , June 15 2021
Breaking News
You are here: Home / News / 2 most wanted magnanakaw sa Gapo arestado (Operation Manhunt Charlie)
2 most wanted magnanakaw sa Gapo arestado (Operation Manhunt Charlie)

2 most wanted magnanakaw sa Gapo arestado (Operation Manhunt Charlie)

NADAKMA ng mga awtoridad ang dalawang suspek na itinuturing na most wanted ng lungsod ng Olongapo, sa lalawigan ng Zambales, pinaniniwalaang sangkot sa pagnanakaw sa isinagawang Operation Manhunt Charlie nitong Lunes, 10 Mayo, sa Brgy. Sta. Rita, sa nabanggit na lungsod.
 
Kinilala ni PRO3 Director P/BGen. Valeriano De Leon ang mga suspek na sina Ar Jhay De Jesus, alyas Junjie, 19 anyos; at Ryan Alcantara, alyas Egoy, 20 anyos, kapwa mga binata at parehong nakatira sa Tabacuhan St., sa naturang lungsod.
 
Batay sa ulat, naglunsad ng manhunt operations ang mga kagawad ng Olongapo City Police Station 5 na nagresulta sa pagkakaaresto ng mga suspek sa nasabing barangay sa bisa ng warrant of arrest dahil sa kasong paglabag sa Article 302 ng Revised Penal Code o Robbery in Uninhabited Place on a Private Building, nilagdaan ni Presiding Judge Rosalinda Rojas Jungco-Abrigo, ng Olongapo City MTC Branch 3, may petsang 1 Pebrero 2021, may rekomendadong piyansang P18,000 para sa pansamantalang paglaya ng mga suspek.
 
Kasalukuyang nakakulong ang mga suspek sa custodial facility ng Olongapo PNP habang hinihintay ang itinakdang araw sa pagdinig ng kanilang asunto sa husgado. (RAUL SUSCANO)

About Raul Suscano

Leave a Reply

Your email address will not be published. Required fields are marked *

*

Scroll To Top