Tuesday , June 15 2021
Breaking News
You are here: Home / News / 12 ‘sugarol’ arestado (Sa Meycauayan, Bulacan)
12 ‘sugarol’ arestado (Sa Meycauayan, Bulacan)

12 ‘sugarol’ arestado (Sa Meycauayan, Bulacan)

HINDI alintana ang matinding init ng panahon, at kahit pawisan, tuloy pa rin sa pagsusugal ang mga naarestong kalalakihan sa lungsod ng Meycauayan, lalawigan ng Bulacan nitong Martes, 11 Mayo.
 
Nadakip ang tatlong suspek na kinilalang sina Deopete Valdemar, Justin Encartado, at isang 16-anyos na menor de edad, pawang mga residente sa Barangay Bayugo, sa nabanggit na lungsod sa unang anti-illegal gambling operation na ikinasa ng mga tauhan ng Meycauayan City Police Station (CPS).
 
Naaktohan ang tatlong suspek ng mga awtoridad na nagsusugal ng ‘cara y cruz’ sa bangketa gamit ang mga yupi-yuping baryang piso na ginagamit bilang ‘pangara’ at bet money.
 
Kasunod nito, naaresto rin ang mga suspek na kinilalang sina Jayson Velasco, Rhomel Policarpio, Oliver Salvador, Renato Rulloda, Jr., Romeo Policarpio Sr., Antonio Recinto, Jr., Armando Pingol, Edmund Braza, at Eduardo Dionisio, pawang mga residente sa Saluysoy, sa naturang lungsod.
 
Naaktohan ang mga nabanggit na suspek na nakapaikot sa loob ng isang bilyaran at nagpupustahan habang may tumutumbok ng bola sa billiard table.
 
Narekober ng mga awtoridad ang mga billiard balls, cue sticks, set ng barahang pangsugal at bet money.
 
Nakatakdang sampahan ng kaukulang kaso ang mga naarestong suspek sa hukuman. (MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top