Saturday , September 18 2021

Side effects ng CoVid-19 vaccine posible

PINAGHAHANDAAN ng administrasyong Duterte ang pagpopondo sa mga nabakunahan na  dumanas ng matinding side effects matapos maturukan ng bakuna na humantong sa kamatayan o malubhang kalagayan.

Hindi rin segurado na ligtas ang CoVid-19 vaccines partikular sa mga taong hindi nila alam na mayroong karamdaman, lalo na roon sa hindi sumasailalim sa mga medical examination and laboratory tests bago mabakunahan.

Maging ang mga taong alam nila na mayroon silang karamdaman hindi rin pala ligtas. Marami pa rin ang hindi kombinsido sa pagbabakuna partikular sa senior citizens na ang tingin sa vaccine ay buwis-buhay.

Sa lungsod ng Pasay, pinulong ni Mayor Emi Calixto-Rubiano ang 20 zone chairpersons. Kanyang hinimok ang mga barangay chairmen na pursigihin ang mga senior citizens na magpabakuna.

Sa report ng mga Kapitan, dahil sa samot-saring isyu na lumalabas sa mga balita, umiiral ang takot sa dibdib ng mga SC at ang mga pilosopong sagot na: “Gusto ko pang mabuhay at makapiling nang matagal ang aking mga apo.”

Mahigit dala­wang milyong katao na ang nababa­1kunahan ayon sa National CoVid-19 Task Force, pero walang iniulat na bilang ng mga namatay o nakaranas ng matinding side effects.

Nanga­ngahulugan at malinaw na mayroong puwedeng dumanas ng side effects sa CoVid-19 vaccines kaya naglalaan ng pondo para rito. Para nga namang sumailalim sa lethal injection ang mga namatay dahil sa bakuna.

Isa lang ang ibig sabihin, bakit pinopondohan ang masamang bunga ng pagpapaturok ng bakuna? Para makatulong sa pamilya? O sadyang mayroon talagang minaalas pagkatapos magpabakuna?

Kaya mahirap kombinsihin ang senior citizens para magpabakuna. Hindi natin sila masisisi. Lagi ang sagot, hindi pa tiyak kung ang sanhi ng kamatayan ay dahil sa bakuna.

Heto na ang sagot, bakit maglalagay ng pondo?

Nakatatawa, itinatanggi na dahil sa CoVid-19 vaccine kaya namatay, pero maglalaan ng pondo.

Kakatwa talaga! Aminin na kasi na totoong may side effects.

Isumbong mo
kay DRAGON LADY
ni Amor Virata

About Amor Virata

Check Also

YANIG ni Bong Ramos

Nakahihilong mga patakaran ng gobyerno

YANIGni Bong Ramos MASYADO nang nagugulohan ang mga tao sa kung ano-anong patakarang ipinatutupad ng …

Leave a Reply

Your email address will not be published. Required fields are marked *