Wednesday , June 16 2021
Breaking News
You are here: Home / News / Sekyu huli sa shabu (Tumira muna ng bike)
Sekyu huli sa shabu (Tumira muna ng bike)

Sekyu huli sa shabu (Tumira muna ng bike)

KULUNGAN binag­sakan ng isang security guard matapos maku­haan ng shabu nang tangkain niyang habulin ang testigong nakakita sa ginawa niyang pagtangay sa isang mamahaling bisikleta sa Malabon City, kamakalawa ng  mada­ling araw.

Kinilala ni Malabon City Police Chief Col. Joel Villanueva ang na­arestong suspek na si Edward Castite, 39 anyos, residente sa Block 4 Kadima Letre, Brgy. Tonsuya.

Batay sa pinagsama-samang ulat nina P/SSgt. Jerry Basungit, P/SSgt. Mardelio Osting, at P/SSgt. Diego Ngippol, nagpapatrolya sa Brgy. Riverside ang mga tauhan ng Special Weapons and Tactics (SWAT) dakong 4:30 am nang mamataan ang tumatakbong lalaki na kinilalang si Rollie Sudario, 46 anyos, patungo sa kanila at humihingi ng tulong.

Sinabi nini Sudario na hinahabol siya ni Castite dahil nasaksihan niya ang ginawang pagtangay ng bisikletang naka­parada sa tapat ng kanyang bahay kaya’t dinakip ng mga pulis ang suspek.

Nang kapkapan, nakuha ng mga pulis sa suspek ang isang plastic sachet na naglalaman ng 0.012 gramo ng shabu na tinatayang nasa P816 ang halaga.

Nahaharap sa kasong pagnanakaw, dagdag ang kasong paglabag sa Section 11 ng RA 9165 o ang Comprehensive Dangerous Drug Act si Castite.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top