Tuesday , June 15 2021
Breaking News
You are here: Home / News / Binatilyo binoga sa mata patay sa ikatlong kalabit ng gatilyo (Sablay sa dalawang ‘klik’)
Binatilyo binoga sa mata patay sa ikatlong kalabit ng gatilyo (Sablay sa dalawang ‘klik’)

Binatilyo binoga sa mata patay sa ikatlong kalabit ng gatilyo (Sablay sa dalawang ‘klik’)

ARESTADO ang 19-anyos suspek nang barilin sa kaliwang mata na ikinamatay ng isang 15-anyos binatilyo sa lungsod ng Pasig, nitong nakalipas na Miyerkoles, 5 Mayo.

Sa ulat, kinilala ang nadakip na si Anwar Pascan Piang, alyas Negro, 19 anyos, sa kanyang pinagtataguan sa night market sa lungsod ng Pasay sa follow-up operations na ikinasa ng Pasig police.

Nabatid na noong Miyerkoles, ilang beses inutusan ni Piang ang biktima para bumili sa tindahan ng kung ano-ano hanggang mapagod kapalit ng barya.

Sa huli ay inutusan ng suspek ang binatilyo na bumili ng softdrink ngunit sa sobrang pagod ay nakiusap na magpapahinga na siya.

Dito umano nagalit ang suspek at bumunot ng baril, nagyabang sa harap ng kasamahan at tinutok sa kaliwang mata ng binatilyo saka dalawang ulit kinalabit ngunit hindi pumutok.

Sa ikatlong kalabit, pumutok ang baril at tumama ang bala sa kaliwang mata ng biktimang kinilalang si Richard Misa, 15 anyos, Grade 7 student.

Tumakas ang suspek at nagtago sa night market sa lungsod ng Pasay ngunit naaresto ni P/SSgt. Joselito Sedeno ng Pasig PNP sa follow-up operation. (EDWIN MORENO)

About Ed Moreno

Leave a Reply

Your email address will not be published. Required fields are marked *

*

Scroll To Top