Wednesday , June 16 2021
Breaking News
You are here: Home / Showbiz / Jak at Barbie regular ang video call kahit ‘di nagkikita ng personal
Jak at Barbie regular ang video call kahit ‘di nagkikita ng personal

Jak at Barbie regular ang video call kahit ‘di nagkikita ng personal

SPEAKING of Jak Roberto na isa sa mga artista sa Anak Saan Kami Nagkamali? episode ng Magpakailanman sa Sabado sa GMA, tinanong namin ito kung ano ang pinagkaabalahan nila ni Barbie Forteza during  quarantine para hindi ma-miss nang todo ang isa’t-isa?

“Regular po ‘yung video call namin. 

“Pagka-gising, pagkatapos kumain, bago matulog. Ganoon po. Tapos mine-message ko rin po siya kapag halimbawa, celebrations ng birthday ng dogs dito sa bahay,” at tumawa si Jak.

“Sinasabi ko sa kanya kaya updated naman po kami sa mga ginagawa namin.”

Isa sila sa mga ideal couple ng mga millennial, ano ang sikreto ng tatlong taong matagumpay nilang relasyon?

“Para sa amin po kasi, parang hindi namin pina­bibigat ‘yung isang bagay, eh. 

“For example, ‘yung the usual na, hindi naman maiiwasang mag-away. 

“Kung mayroon pong mga ganoong bagay, hindi namin pinalalampas na umabot pa kinabukasan.

“Kung sa tingin namin mali naman kami sa isa’t isa, mayroong isang magso-sorry tapos magso-sorry na rin ‘yung isa. 

“Kumbaga parang ano na lang eh, especially ‘yung communication, mahalaga po talaga lalo na ngayon na nagkaroon ng lockdown marami ‘yung nag-break sabi nila.

“For me hindi ko ma-gets kasi ang importante lang naman ‘yung communication eh, and ‘yung trust sa isa’t isa. 

“So kung iyon ‘yung mawawala feeling ko iyon talaga ‘yung magiging dahilan ng paghihiwalay kasi siyempre una mawawala ‘yung trust.

“Pangalawa mapapraning ‘yung partner mo,” at tumawa si Jak. “Feeling ko iyon ‘yung dalawang mahalaga ngayong new normal, ‘di ba, since bawal tayong bumisita dahil nga minsan nagkakaroon tayo ng contact sa ibang tao na hindi natin alam kung carrier, ‘di ba?

“Para maging safe mas maganda ‘yung bahay ka lang muna kung hindi rin naman napaka-importante ang ilalabas mo ng bahay.”

Rated R
ni Rommel Gonzales

 

 

About Rommel Gonzales

Leave a Reply

Your email address will not be published. Required fields are marked *

*

Scroll To Top