Monday , May 10 2021
Breaking News
You are here: Home / News / Panlinis ng pilak, ipinabawi ng FDA sa merkado (Gamit sa pagpapakamatay)
Panlinis ng pilak, ipinabawi ng FDA sa merkado (Gamit sa pagpapakamatay)

Panlinis ng pilak, ipinabawi ng FDA sa merkado (Gamit sa pagpapakamatay)

MULING naglabas ng advisory sa publiko ang Food and Drug Administration (FDA) kahapon kaugnay sa pagbabawal na maibenta ang silver jewelry cleaning solution dahil nagagamit ito sa pagpapatiwakal.
 
Base sa FDA Advisory No.2021-0879 “Ban of Silver Jewelry Cleaners Containing Cyanide” muling ipinaalala sa publiko ang Joint Advisory No. 2010-0001 ng Department of Health (DOH) at Department of Environment and Natural Resources (DENR) kaugnay ng mahigpit na pagbababwal sa pagbebenta ng silver jewelry cleaning solution na may sangkap na cyanide.
 
Ito’y matapos makompirma sa isinagawang postmarketing surveillance activities at laboratory testing ng FDA-Common Services Laboratory (CSL), nitong Abril 2021, patuloy ang pagbebenta ng nasabing produkto.
 
Unang naglabas ng FDA Advisory No. 2016-088 ang FDA kasunod ng mga kaso ng pagkalason.
 
Nakapagdokumento ng mga kaso ng pagkalason sa silver cleaning solution ang National Poison and Management Control ng University of the Philippines – Philippine General Hospital (NPMCC, UP-PGH) hanggang taon 2020.
 
Para hindi na makapagbigay ng panganib ang lahat ng silver cleaner solutions, muling nagpaalala ang FDA na ang cyanide na taglay nito ay mapanganib na malanghap, makain, at makapasok sa balat, aksidente man o sinadya, kaya muling tinanggal sa merkado ang nasabing produkto.
 
Kapag maapektohan ay makararanas ng pagkahilo, sakit ng ulo, pagduduwal, pagsusuka, mabilis na paghinga, mabilis na tibok ng puso, panghihina at pagkapagod na maaring mauwi sa pagkawala ng malay, respiratory failure at posibilidad na pagkamatay. (JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top